Naperwisyo ang daan-daang motorista at commuters nitong Lunes matapos isara ang ilang pangunahing lansangan sa Metro Manila, kabilang ang malaking bahagi ng Roxas Boulevard at Diosdado Macapagal Avenue dahil kaugnay ng gaganaping Asia Pacific Economic Cooperation (APEC) summit.
Uminit ang ulot ng maraming commuter nang mapilitan ang mga itong maglakad sa kahabaan ng Roxas Boulevard makaraang isara ang kalsada patungong Maynila dahil ang APEC summit ay gaganapin sa Philippine International Convention Center (PICC) sa CCP Complex, Pasay City.
Alas sais pa lamang ng umaga ay kunsumido na ang mga mananakay mula Cavite, Parañaque, Las Piñas at Muntinlupa City nang pagdating ng NAIA at Coastal Road ay pinababa na ang mga pasahero ng mga UV express, jeep at bus dahil isinara na ang kahabaan ng Roxas Boulevard hanggang sa may Manila Hotel sa Maynila.
Hindi rin pinadaanan ng mga sasakyan at napuno ng mga taong naglalakad galing sa NAIA Road at Costal Road ang mga service road patungong Baclaran.
Mula sa toll gate ng Coastal road ay marami ring mga commuter ang napilitang maglakad na lamang dahil hindi na maaaring dumaan ang mga sasakyan.
Matinding bigat ng daloy ng trapiko rin ang naranasan ng mga motorista matapos isara ang ilang bahagi ng kalsada sa lungsod ng Parañaque at Pasay.
Apektado rin ng matinding trapik ang bahagi ng EDSA at ang South at Northbound lanes ng Skyway sa South Luzon Expressway (SLEX), na nasasakupan ng Makati, Parañaque at Pasay City.
Ayon sa mga naapektuhang motorista at commuter, dapat sa ay isinama ng pamahalaan sa idineklarang holiday ang Nobyembre 16, araw ng Lunes at nang hindi na nahirapan ang publiko lalo na ang mga papasok sa trabaho.
METRO MANILA – Mag-uumpisa na sa June 4 ang second tranche ng pagtataas ng singil sa toll fee sa North Luzon Expressway (NLEX).
Sa ilalim ng bagong toll fee matrix, ang mga motorista na bumibyahe sa expressway ay magdadagdag ng P5 para sa Class 1 o mga regular na sasakyan at SUV, P14 naman para sa Class 2 o mga bus at maliliit na trak at P17 para sa Class 3 o malalaking trak.
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Inihayag ni Pangulong Ferdinand Marcos Junior na mananatili sa P1,000 ang babayarang multa para sa illegal parking ng mga mahuhuling motorista.
Ipinatigil na muna ni PBBM ang probisyon ng joint traffic circular ng Metro Manila Council na itaas ang multa para sa illegal parking mula P1,000 hanggang P4,000.
Naniniwala naman ang pangulo na madadaan pa sa disiplina ang mga motorista at magkakaroon ng pangmatagalang solusyon sa kinakaharap na problema sa trapiko sa Pilipinas lalo na sa Metro Manila.
Tags: illegal parking, Metro Manila, traffic
