Hinihikayat ng Philippine Coconut Authority ang ilan sa mga coconut farmers sa Albay na huwag ng magtanim ng mga puno ng niyog sa paligid ng Bulkang Mayon na sakop ng 6 kilometer permanent danger zone.
Paliwanag ng PCA, masyadong mapanganib para sa mga magniniyog ang manatili sa loob ng PDZ lalo na’t may banta ng lahar flow ngayong panahon ng tag-ulan.
Sa datos ng Philippine Coconut Authority sa Albay, may mahigit na sampung libong hektarya ng niyogan na makikita sa paligid ng Bulkang Mayon na sakop ng 6km permanent danger zone.
Sa ngayon, may project site na ang PCA Albay na inter-cropping at livestock intergration para sa mga magniniyog na apektado ng pag-aalboroto ng Bulkang Mayon na matatagpuan sa bayan ng Tabaco City at Camalig Albay.
( Allan Manansala / UNTV Correspondent )
Tags: Bulkang Mayon, Coconut Farmers, PCA
METRO MANILA – Pinag-aaralang mabuti ng Office of Civil Defense (OCD) ang posibleng pagbabawal nang permanente sa paninirahan sa loob ng 6 kilometer permanent danger zone ng bulkang Mayon.
Ayon sa ahensya, mapanganib na umano sa mga residente ang bumalik pa sa kanilang tahanan dahil sa madalas na pag-aalboroto ng bulkan.
Pero kailangan pa itong pag-usapang mabuti dahil marami ang dapat isinasaalang-alang gaya ng kabuhayan ng mga residente lalo na’t karamihan sa kanila ay pagsasaka ang ikinabubuhay.
Sa ngayon ay sapat umano ang pondo para sa 90 araw o 3 buwan.
Nasa P1.3-B ang inilaan ng pamahalaan para sa pagkain, hygiene kit at iba pang pangangailangan ng mga nilikas na residente.
Pangamba ngayon ng OCD kung aakyat pa sa Alert level 4 o mas mataas pang alerto ang bulkan ay dodoble ang kailangang ilikas dahil lalaki ang sakop ng danger zone.
At dahil panahon na ng tag-ulan malaking banta rin kung sasabayan ng pagbaha ang pag-aalboroto ng bulkan.
Tags: Bulkang Mayon, danger zone, OCD
METRO MANILA – Tiniyak ni Pangulong Ferdinand Marcos Jr. na may sapat na pondo ang pamahalaan upang tugunan ang pangangailangan ng mga pamilyang apektado sa patuloy na aktibidad ng bulkang Mayon.
Ayon sa pangulo, walang problema sa budget ngunit dapat rin aniyang tingnan ang iba pang tulong na maaaring ibigay sa mga residenteng lumikas mula sa paligid ng Mayon.
“In terms ng actual na gastos alam ko may budget tayo ang sinasabi ko ang instruction ko sa kanila pag-aralan nilang mabuti hindi basta bigay kayo ng bigay ng pera kailangan tingnan niyo kung ano ang problema para maayos natin ung may problema sila.” ani Pang. Ferdinand Marcos Jr.
Ayon kay PBBM, dapat ring pagtuunan ng pansin ang kalagayan ng mga batang hindi nakapag-aaral at maging ang kalagayan ng kanilang magulang.
Tags: Bulkang Mayon, Ecvacuees, evacuees, PBBM
Tinutulan ng grupong Kilus Magniniyog ang umano’y mga pagbabago sa mga probisyon ng panukalang batas para magamit ang coco levy fund o ang coconut farmers’ trust fund.
Ito umano ang lumabas sa nangyaring debriefing ng bicameral conference committee nito lamang ika-1 ng Agosto.
Ayon sa grupo, sa halip na bumuo ng trust fund committee ay napagkasunduan ng bicam na sa Philippine Coconut Authority (PCA) na ipaubaya ang coco levy fund.
Mahirap anila ito dahil mangangailangan pa ng panibagong batas para baguhin naman ang balangkas ng PCA.
May probisyon din umano na kapag hindi nagamit ng pondo sa loob ng dalawampu’t limang taon ay ibabalik ito sa Bureau of the Treasury.
Inalis din umano ang 5 ektaryang limit sa mga may-ari ng taniman ng niyog sa mga dapat unahing benipisyaryo ng pondo at sa halip ay magiging bukas na ito kahit sa mga may-ari ng malalaking lupain ng niyugan.
Tags: Coco Levy Fund, Kilus Magniniyog, PCA
