Opisyal nang isinailalim sa state of calamity ang buong City of Naga sa probinsya ng Cebu dahil sa pinsalang naidulot ng landslide sa Sitio Sindulan, Brgy. Tinaan noong nakaraang Huwebes.
Sa araw mismo ng insidente ay una munang isinailalim sa state of calamity ang Barangay Tinaan, Pangdan, Cabungahan, Mainit at Naalad na pangunahing naapektuhan.
Pitong araw matapos ang landslide ay umabot na sa animnapu’t lima ang naitalang nasawi, labingwalo ang sugatan at dalawampu’t isa pa ang nawawala.
Itutuloy naman hanggang bukas o sa makalawa ang search and retrieval operations upang mahanap ang mga labi ng iba pang mga biktima na natabunan ng gumuhong lupa.
Samantala, malaki naman ang papasalamat ng city government sa patuloy na pagdating ng donasyon mula sa mga local government unit (LGU) at iba’t-ibang grupo.
Aabot na sa mahigit pitong milyong pisong cash donations ang natanggap ng lungsod na gagamiting pantustos sa pangangailangan ng mga evacuee.
Sa ngayon ay pinagtutuunan na ng Department of Social Welfare and Development (DSWD) ang listahan ng mga pamilya na direktang naapektuhan ng insidente upang mabigyan ng prayoridad sa nasabing tulong.
Nasa 1,716 na pamilya o katumbas ng 7,642 na indibiduwal ang nanunuluyan ngayon sa labing isang evacuation centers na inihanda ng lungsod.
( Gladys Toabi / UNTV Correspondent )
Tags: City of Naga Cebu, landslide incident, state of calamity
METRO MANILA – Nagsumite na ng memorandum of request ang Department of Health (DOH) sa Office of the President hinggil sa pagpapalawig ng umiiral na State of Calamity sa bansa dahil sa COVID-19.
Matatandaang epektibo lamang ang State of Calamity hanggang December 31, 2022, matapos palawigin ni Pangulong Bongbong Marcos ang deklarasyon nito mula sa naunang deklarasyon ni dating Pangulong Rodrigo Duterte.
Ayon kay DOH Officer-in-Charge Maria Rosario Vergeire, hiniling nila ang extension sa konsiderasyong hindi pa naisasabatas ang Center for Disease Prevention and Control (CDC) bill.
Dagdag pa ng DOH official na ang COVID-19 response ng ahensya ay nakaangkla sa State of Calamity, tulad ng vaccination program, emergency use authorization ng mga bakuna at gamot, indemnification and immunity from liability, at emergency hiring at emergency allowance ng mga health care worker.
Tags: Covid-19, DOH, PBBM, state of calamity
METRO MANILA – Isasailalim sa State of Calamity ang mga probinsya ng Cavite, Laguna, Batangas, Rizal at Quezon na nasa Region 4A o Calabarzon, ang Bicol Region, Western Visayas at Bangsamoro Autonomous Region in Muslim Mindanao (BARMM) sa loob ng 6 na buwan.
Bunsod ito ng iniwang pinsala ng bagyong paeng sa naturang mga lugar. Base sa Proclamation No. 84 ni Pangulong Ferdinand Marcos Jr, aabot sa 1.4 million na populasyon sa 4 na rehiyon ang malubhang naapektuhan ng bagyo.
Ang desisyon na ito ng pangulo ay ayon na rin sa naging rekomendasyon ng National Disaster Risk Reduction and Management Council (NDRRMC).
Dahil sa deklarasyon ng State of Calamity ni Pangulong Marcos Jr, mas mapabibilis ang rescue, recovery, relief at rehabilitation efforts ng gobyerno at private sector.
Makokontrol din ang maaaring pagtaas ng presyo ng mga pangunahing bilihin.
Kasama nito ay magagamit ng Local Government Units (LGU) ng kanilang mga pondo tulad ng calamity fund para sa pagtulong sa mga naapektuhan ng bagyo.
Inatasan rin ng pangulo ang lahat ng kinauukulang ahensya ng pamahalaan na ipagpatuloy ang ang rescue, recovery, relief at recovery measures ng gobyerno.
Pinatitiyak naman ni PBBM sa Law Enforcement Agencies, kasama ang Armed Forces of the Philippines (AFP) ang kapayapaan at kaligtasan sa typhoon-hit areas.
Ayon kay Philippine army Joint Task Force Central at 6th infantry Divison cCmmander Major General Roy Galido, inatasan na rin sila ng pangulo na gamitin ang lahat ng assets ng AFP upang tumulong sa paghahatid ng tulong sa mga malalayong lugar o mahirap na puntahan na mga nayon lalo na sa BARMM.
Base sa proklamasyon, maaaring maisama pa ang ibang lugar sa deklarasyon ng State of Calamity kung kinakailangan dahil sa patuloy na assessment sa mga lugar na naapektuhan ng bagyo.
(Nel Maribojoc | UNTV News)
Tags: NDRRMC, PBBM, state of calamity
METRO MANILA – Isinailalim sa State of Calamity ang 55 na lugar sa Pilipinas dulot ng epekto ng bagyong Paeng.
Kabilang dito ang buong probinsya ng Albay sa Bicol region na nasa 18 lungsod at munisipalidad.
Ganundin ang buong lalawigan ng Maguindanao sa Bangsamoro Autonomous Region (BARMM).
Kinabibilangan yan ng 36 na siyudad at munisipalidad.
Kasama din sa isinailalim sa State of Calamity ay ang munisipalidad ng Pigcawayan sa Cotabato sa Soccsksargen region.
Kasunod ng pagdedeklara ng state of calamity, sinabi ng NDRRMC na pinapayagan ang mga opisyal ng pamahalaan sa naturang mga bayan na gamitin ang kanilang calamity funds.
Tags: NDRRMC, state of calamity
