CALABARZON, Philippines – Naungusan na ng Calabarzon Region ang Metro Manila sa may pinakamataas na bilang ng kaso ng tigdas sa bansa.
Sa pinakahuling datos na inilabas ng Department of Health Region-4A ay mayroon ng 2,494 na kaso ng tigdas sa rehiyon. Habang umakyat na sa 61 ang nasawi dahil sa komplikasyon.
Karaniwan sa mga nasasawi ay mga batang limang taong gulang pababa na mga walang bakuna kontra tigdas. Sa buong Calabarzon, pinakamaraming nagka-tigdas sa probinsiya ay ang Rizal na may 1,293 samantalang 42 na ang namatay.
Ani Doctor Eduardo Janairo, ang regional director ng DOH 4A, “Karamihan kasi nagkakaroon ng komplikasyon lalo na yung mga malnourished na bata. Madali kasi bumagsak ang resistensiya kapag may tigdas.”
Dagdag pa ni Janairo na mabilis makahawa ang tigdas lalo na sa matataong lugar. Batay sa pag-aaral ng DOH, maaaring makahawa ang isang taong may tigdas ng 12 hanggang 18 bata at maging ang matatanda na walang measles vaccine sa loob ng dalawang oras.
“Ang madalas na namamatay yung huli na nagpapaospital. Natatakot gumastos o kaya malayo ang lugar kaya pagdating sa ospital halos end stage na,” aniya.
Bunsod nito ipinapayo ng DOH sa mga magulang na samantalahin ang libreng pagbabakuna sa mga barangay health center at mga government hospital. Mayroon ding vaccination center sa ilang mga kilalang fast food chain sa rehiyon.
Ayon pa sa Health Department, huwag balewalain ang sakit na tigdas dahil nakamamatay ito lalo na kapag hindi naagapan. Kabilang sa maaaring maging kumplikasyon nito ay ang hirap sa paghinga, bronchopneumonia at pamamaga ng utak.
(Sherwin Culubong | UNTV News)
Tags: CALABARZON, Department of Health, measles, measles outbreak, tigdas
METRO MANILA – Umabot na sa P53.1-M ang pinsala ng typhoon Egay sa agrikultura ng bansa.
Ayon sa Department of Agriculture (DA), kabilang dito ang sa Cordillera Administrative Region, Calabarzon, Mimaropa, at Eastern Visayas.
Apektado nito ang nasa 1,800 metriko tonelada ng palay at mais. Gayundin ang mga livestock at poultry.
Mahigit sa 2,000 na mga magsasaka naman ang naapektuhan ni Egay.
Ayon naman sa DA may nakahandang tulong sa mga apektado kabilang na ang mga buto ng palay at gulay, mga gamot para sa mga alagang hayop, at financial assistance na aabot sa P25,000 .
Tags: Bagyong Egay, CALABARZON, CAR, eastern visayas
METRO MANILA – Nagbabala ang Department of Health (DOH) na posibleng magkaroon ng measles outbreak sa mga bata sa susunod na taon ayon kay DOH Officer-In-Charge Maria Rosario Vergeire.
Ito ay kung mananatiling mababa ang immunization rates sa mga susunod na buwan.
Base sa datos ng DOH, mula sa target na 95% immunization, tanging nasa 62.9% na bata at sanggol sa bansa ang fully immunized laban sa vaccine-preventable diseases.
Halos 3 million na mga bata naman ang walang measles vaccination.
Bunsod nito inirekomenda ng ahensya na kailangan na mapalakas pa ang routine immunization sa mga bata at kailangan din ng whole government at society approach para masolusyunan ang naturang problema.
Tags: DOH, measles outbreak
Nasa 106,000 na mga nurses ang kinakailangan para sa mga pampubliko at pribadong medical facilities sa Pilipinas ayon sa Department of Health.
Bukod sa mga nurses kulang rin ang bansa ng mga doktor, pharmacist, medical technologist, radiologic technologist, dentist, occupational therapist, physical therapist at midwives.
Ayon kay DOH Officer-In-Charge Maria Rosario Vergeire, isa sa mga dahilan kung bakit may kakulangan sa healthcare workers sa bansa, ay dahil marami sa mga ito ang pinipiling mag-trabaho abroad.
Kaya naman nais aniya ng DOH, na manatili sa 7,500 ang yearly deployment cap sa mga nagtatrabaho sa sektor ng kalusugan. Panawagan ni Vergeire sa mga healthcare workers sa bansa, may mga plantilla positions na maari silang pasukan. Kinakailangan lamang aniya na makipag-ugnayan sa Human Resources Bureau upang maproseso ang kanilang aplikasyon.
Tags: Department of Health, Nurses
