Nagpasalamat ang embahada ng Pilipinas sa Brazil sa ayudang patuloy na ipinagkakaloob ni Bro. Eli Soriano para sa mga consular outreach mission.
Ayon kay Philippine Ambassador to Brazil Marichu Mauro, mahigit isang libong (1,200) mga Pilipino ang naninirahan at naghahanapbuhay sa Brazil. Kaya naman ang embahada ng Pilipinas, lumilibot sa mga bahagi ng bansa kung saan mayroong Filipino community upang makapagsagawa ng consular outreach missions tulad ng pagproseso ng renewal ng passport at iba pang consular documents, notary, at iba pang serbisyo.
Malaki ang pasasalamat ng Philippine Ambassador kay Bro. Eli Soriano dahil sa patuloy na pagtulong sa embahada ng Pilipinas sa mga isinasagawa nitong activities at pag-abot sa ating mga kababayan.
“Kailangang-kailangan po natin si Bro. Eli, at nagpapasalamat din ako kay Bro. Eli sa tulong na binibigay niya sa embassy, pag sinabi naming pumunta naman kayo sa Brasilia kasi may event kami, pumupunta po sila, walang tanong-tanong. So let me use this opportunity to thank him publicly for his support and to the Filipino community. Not only here in Brazil but around the world,” ani Ambassador Marichu Mauro, Philippine Ambassador to Brazil.
Bukod sa Brazil, nasa ilalim din ng jurisdiction ng Philippine Embassy sa Brazil ang pananatili ng mabuting pakikipag-ugnayan sa mga bansang Colombia, Guyana, Suriname, at Venezuela.
Nagpaabot naman ng pagbati ang diplomat sa ika-55 anibersaryo ni Bro. Eli sa paglilingkod sa Dios at sa kapwa.
Unang unang pinapasalamatan ko si Bro. Eli Soriano for inviting me here. It is a very important occasion. 55th anniversary of his pastoral ministry, kitang-kita ninyo naman, napakaraming Pilipinong dumating at napakasaya nila na maibahagi sa okasyong ito. Ang wish ko is mabigyan pa si Bro. Eli Soriano ng another 55 years in his life to continue his ministry,” pahayag ni Philippine Ambassador to Brazil Marichu Mauro.
(Jihan Tamashunas | UNTV News)
Tags: Bro. Eli Soriano, Marichu Mauro, MCGI, Philippine Ambassador to Brazil Marichu Mauro
MANILA, PHILIPPINES – Isasagawa ng Members Church of God International (MCGI) sa kauna-unahang pagkakataon ang Global Launch ng MCGI Free Store sa darating na March 14, 2021 araw ng Linggo.
Ito ay isa sa mga magagandang konsepto ni Bro. Eliseo F. Soriano at Mr. Public Service Kuya Daniel Razon at sa pakikipagtulungan ng Members Church of God International.
“Get what you need not what you want”, ito ang adbokasiya ng proyekto para sa mga kababayan nating kulang o gipit ang pera o kita upang maipantustos at mabili ang kanilang mga kailangan.
Layon din nito na maabot at matulungan ang mga nangangailangan.
Ang proyekto ay hindi lamang eksklusibo sa mga miyembro ng samahan, maging sa hindi myembro ay bukas ang kanilang tanggapan.
Mula sa mga damit, mga accesories, appliancess, sapatos at iba pangmga gamit na inyong mapapakinabangan ang inihanda ng MCGI Free Store.
Ito ay mula sa iba’t-ibang grupo ng samahan, nagtulong-tulong upang makapagbigay at makaipon ng donasyon na magagamit para sa proyekto.
Maaari kayong magregister sa www.mcgifreestore.compara makakuha ng mga gamit na inyong kakailanganin.
Bawat participants ay magkakaroon ng mga point at ito ang kanilang magagamit para makapili at makakuha ng mga gamit na kanilang mapapakinabangan.
(Jasper Barangan | La Verdad Correspondent)
Tags: Free Store, MCGI
METRO MANILA – Natanggap na ni Mang Ariel Llorente ang kanyang request na bible at reading glasses maging ang kahilingan nitong mapatingin sa espesyalista, ito ay dahil sa pagtutulungan ng programang Serbisyong Bayanihan, Members Church of God International (MCGI), at Department of Social Welfare and Development (DSWD) Region V.
Si Mang Ariel ay isa sa mga tumawag sa programang Serbisyong Bayanihan na humihingi ng tulong na mapatingin siya sa espesyalistang doktor dahil sa sari-sari nitong dinaranas na sakit. Dahil dito halos 3 aon na itong bed ridden at nadiagnose din itong may cataract kaya hirap na siyang makakita.
Hindi na nito nagawang makapagpacheck-up pang muli dahil hindi sumasapat ang sweldo ng asawa nitong nagtatrabaho sa grocery store na ayon kay Mang Ariel ay below minimun wage pa ang sweldo nito.
Kaya naman hindi na ito nagatubili pang tumawag sa programa para humingi ng tulong.
Agad naman itong inaksyunan ng programa at tinawagan ang magasawa ng isang social worker mula sa DSWD Regional Office V at tinulungan ito kung papaano makapag-avail ng medical at financial assistance mula sa ahensya.Pinuntahan din siya ng ilang representante mula sa LGU at binigyan ng kaukulang aksyon.
(Syrixpaul Remanes | La Verdad Correspondent)
Tags: DSWD, MCGI, Serbisyong Bayanihan
RIZAL, Philippines – Napagbigyan sa ikatlong pagkakataon ang hiling ng isang warden na si Jail Inspector Joey Doguilles na magkaroon ng medical mission ang UNTV at Members Church of God International sa San Mateo Municipal Jail. Ito ay upang mabigyang lunas ang mga sakit na karaniwang iniinda ng mga nakapiit dito gaya ng ubo sipon, hypertension at mga sakit sa balat.
Ayon kay Jail Inspector Joey Doguilles, “I was so amazed na Ang Dating Daan, UNTV napakasipag ninyong lahat. Sa lahat siguro ng mga service provider, wala akong masasabi.”
Isa sa mga natulungan ay si Kuya Atom at Roland na nagpapasalamat dahil kahit wala ng dumadalaw sa iba nilang kasama, may nakakaalala pa rin sa kanilang sitwasyon sa piitan kahit hindi nila kamag anak.
“Malaking tulong po ito sa mga katulad naming PDL o Persons deprived of liberty. Karamihan po rito kasi walang dalaw, kaya itong ibinibigay ng mga service provider katulad ng Dating Daan. Sila na po yung gumagawa ng paraan para makatulong sa katulad naming kapos palad dito.” Ani Kuya Atom.
“Ano po, lahat po sila tuwang-tuwa, dahil po magkakaroon sila ng pagkakataon na maipakonsulta po yung kung ano man po yung nararamdaman nila.” Ayon naman kay kuya Ronald, isa sa mga Persons deprived of liberty.
Umabot sa mahigit tatlong-daan ang napaglingkuran sa iba’t ibang medical, dental services, optical services na may kasamang libreng salamin at mga laboratory tests gaya ng ECG at ultrasound.
“Maraming salamat po, unang-una sa Ang Dating Daan Foundation, at sa UNTV. Binigyan tayo ng pagkakataon na magkakaroon sila ng medical mission sa ating kulungan. Dito sa BJMP San Mateo Municipal Jail. Ito ay hindi lang una, kundi taon-taon po na nagka-conduct sila ng medical mission dito po sa kulungan na ito.” dagdag ni J/Insp. Joey Doguilles, Warden, San Mateo Jail.
(Jennica Cruz | UNTV News)
Tags: MCGI, medical mission, San Mateo Municipal Jail, UNTV
