Bumababa sa 6.6 % ang bilang ng mga Pilipinong walang trabaho sa unang buwan ng 2015, ayon sa Philippine Statistic Authority (PSA).
Mula sa 36.41 million noong Enero ng 2014 ay umakyat sa 37.5 million ang bilang ng may trabaho ngayong 2015. Nangangahulugan ito ng 1.04 million na mga kababayan natin ang nagkaroon ng trabaho
Maging ang bilang ng mga underemployed o mga manggagawang hindi napapasweldo ng sapat at nasa trabahong hindi angkop sa kanilang kakayahan ay bumaba rin sa 17.5 % mula sa 19.5 % noong 2014
Ayon sa pamahalaan, ang magandang balitang ito ay epekto ng mga programanng pangekonomiya upang masiguro na hindi napapabayaan ang mga walang trabaho sa bansa.
Ngunit ang Trade Union Congress of the Philippines (TUCP), duda sa resulta ng survey dahil hindi naman anila sinama ang Region 8 o ang Eastern Visayas region.
“This is not a credible survey dahil sa tingin namin ito ay incomplete dahil hindi nila sinama dito yung mga apektadong manggagawa sa buong region8. Dapat kasama sila dahil sila ang nangangailangan ng tulong ng gobyerno,” ayon kay Alan Tanjusay, tagapagsalita ng TUCP
Kinontra din ni Tanjusay ang sinabi ng Malakanyang na dahil sa mga magandang programa ng gobyerno ang pagbaba sa bilang ng mga walang trabaho sa bansa.
Dagdag pa ng TUCP, may pagkukulang ang gobyerno dahil hindi nito naabot ang target na bilang ng mga walang trabaho sa loob ng apat na taon. Kulang pa anila ng 5.7 million na trabaho para masabing nasolusyunan na ng pamahalaan ang unemployment sa bansa
Tags: Alan Tanjusay, Philippine Statistics Authority, PSA, TUCP, unemployment rate
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Bahagyang nadagdagan na naman ang bilang ng mga Pilipinong walang trabaho noong Abril.
Batay sa datos ng Philippine Statistics Authority (PSA), umabot ito sa 4%.
Ito ay katumbas ng 2.4 milyong indibidwal na walang trabaho.
Mas mataas ito kumpara sa 3.9 % o 2 milyong indibidwal lamang na walang trabaho noong Marso.
Samantala, tumaas rin ang underemployment rate noong Abril na nasa 14.6% o 7.04 milyong Pilipino mula sa 12.9% noong isang taon.
Tags: PSA, Unemployed
METRO MANILA – Mula sa nakaraang 1.80-M na bilang ng mga Pilipinong walang trabaho noong February 2024, bahagyang tumaas sa nasa 2-M ang unemployment sa bansa para sa buwan ng mMrso ngayong taon.
Base sa latest report ng Philippine Statistics Authority (PSA), naitala sa 3.9% ang unemployment rate sa bansa para sa March 2024, na bahagyang mataas kumpara sa 3.5% na record noong Pebrero.
Gayunman mas mababa pa rin ito kung ihahambing sa 4.7% na unemployment rate sa kaparehong panahon noong nakaraang taon.
Paliwanag ni National Statistician PSA Undersecretary Dennis Mapa ilan sa mga pangunahing dahilan ng pagtaas ng bilang ng mga walang trabaho ay bunsod ng epekto ng El niño o matinding init ng panahon.
Bukod sa El niño, sinasabing marami rin ang nawalan ng trabaho dahil sa epekto ng African Swine Fever (ASF), kung saan maraming hog raisers ang nalugi.
Maging sa industriya ng construction, may nakita ring pagbaba sa unemployment ang PSA, kung saan nasa 214,000 ang mga nawalan ng trabaho. Kabilang na rito ang construction workers at electrical installers.
Samantala, bumaba naman sa 5.39-M ang bilang ng underemployment o yung mga naghahanap ng karagdagang oras o ekstrang trabaho.
Habang naitala naman sa 49.15-M ang bilang ng mga Pilipinong may trabaho para sa March 2024.
Nangako naman ang National Economic Development Authority (NEDA) na patuloy ang Marcos administration sa pagbubukas ng mga oportunidad upang makalikha ng mas maraming trabaho para sa mga Pilipino.
Tags: PSA, unemployment
