METRO MANILA – Inanunsiyo ng Philippine Statistics Authority na bumaba sa higit 3M Pilipino na nasa edad 18 pataas ang may trabaho sa bansa nitong buwan ng Hulyo.
Batay sa bagong datos ng ahensya, nasa 48 million ang may trabaho noong buwan ng Abril ngayong taon at naging 44 million nalang ito noong Hulyo.
Ayon kay PSA National Statistician and Civil Registrar Undersecretary Dennis Mapa, ilan sa mga nagkaroon ng pagtaas ng bilang ng mga manggagawa ang sektor ng construction, manufacturing, at information and communication
Sinabi rin ni Mapa na bagamat bumaba ng mahigit 300,000 Pilipino ang walang trabaho simula July 2022 to July 2023, tumaas naman ang unemployment rate mula buwan ng Abril na may 4.5% o 2.26M sa buwan ng Hulyo na may 4.8% o 2.27M.
Binigyang linaw din ng PSA na bumaba ang participation rate sa labor force nitong buwan ng Hulyo na nagresulta sa mababang bilang ng may trabaho at mataas na bilang ng walang trabaho sa bansa.
Samantala, dahil din sa mga naranasang pag-ulan nitong mga nakaraan buwan sinabi ng PSA na isa ito sa naging kontribusyon kung bakit naapektuhan ang sektor ng agrikultura at bumaba ang July labor force participation rate.
(Bernadette Tinoy | UNTV News)
Tags: PSA, Unemployed, WOrks
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Bahagyang nadagdagan na naman ang bilang ng mga Pilipinong walang trabaho noong Abril.
Batay sa datos ng Philippine Statistics Authority (PSA), umabot ito sa 4%.
Ito ay katumbas ng 2.4 milyong indibidwal na walang trabaho.
Mas mataas ito kumpara sa 3.9 % o 2 milyong indibidwal lamang na walang trabaho noong Marso.
Samantala, tumaas rin ang underemployment rate noong Abril na nasa 14.6% o 7.04 milyong Pilipino mula sa 12.9% noong isang taon.
Tags: PSA, Unemployed
METRO MANILA – Mula sa nakaraang 1.80-M na bilang ng mga Pilipinong walang trabaho noong February 2024, bahagyang tumaas sa nasa 2-M ang unemployment sa bansa para sa buwan ng mMrso ngayong taon.
Base sa latest report ng Philippine Statistics Authority (PSA), naitala sa 3.9% ang unemployment rate sa bansa para sa March 2024, na bahagyang mataas kumpara sa 3.5% na record noong Pebrero.
Gayunman mas mababa pa rin ito kung ihahambing sa 4.7% na unemployment rate sa kaparehong panahon noong nakaraang taon.
Paliwanag ni National Statistician PSA Undersecretary Dennis Mapa ilan sa mga pangunahing dahilan ng pagtaas ng bilang ng mga walang trabaho ay bunsod ng epekto ng El niño o matinding init ng panahon.
Bukod sa El niño, sinasabing marami rin ang nawalan ng trabaho dahil sa epekto ng African Swine Fever (ASF), kung saan maraming hog raisers ang nalugi.
Maging sa industriya ng construction, may nakita ring pagbaba sa unemployment ang PSA, kung saan nasa 214,000 ang mga nawalan ng trabaho. Kabilang na rito ang construction workers at electrical installers.
Samantala, bumaba naman sa 5.39-M ang bilang ng underemployment o yung mga naghahanap ng karagdagang oras o ekstrang trabaho.
Habang naitala naman sa 49.15-M ang bilang ng mga Pilipinong may trabaho para sa March 2024.
Nangako naman ang National Economic Development Authority (NEDA) na patuloy ang Marcos administration sa pagbubukas ng mga oportunidad upang makalikha ng mas maraming trabaho para sa mga Pilipino.
Tags: PSA, unemployment
