Simula na ngayong araw ang pagpapatupad ng Children’s Safety on Motorcycles Act of 2015.
Ito ang batas na nagbabawal sa pagsakay o pag-aangkas ng mga bata sa motoriklo.
Sa ilalim ng Republic Act 10666 hindi na papayagan ang pagsasakay sa two-wheeled motorcycle ng mga batang wala pang kakayahang umangkas sa motorsiklo.
Sakop ng batas na ito ang mga dumadaan sa public roads kasama na ang national highways, provincial roads, municipal at barangay streets.
Layon nitong protektahan ang kapakanan ng mga batang pasahero.
Hindi naman tinutulan ng ilang motorcycle rider ang pagpapatupad ng naturang batas.
Tulad ng ibang batas trapiko, may katapat ding parusa ang sinomang lalabag dito.
Tatlong libong piso ang multa para sa first offense.
Limang libo naman sa ikalawang paglabag.
Ten thousand pesos at isang buwang suspensyon sa drivers license naman ang katumbas ng third violation, habang kakanselahin naman ang lisensya sa ika-apat na paglabag.
Ang Land Transportation Office ang nataasan na manguna sa implementasyon ng batas, katuwang ang mga lokal na pamahalaan.
(Victor Cosare)
Tags: mga maliliit na bata, ngayong araw, umangkas sa motorsiklo
Posibleng lagdaan na ngayong araw ni Pangulong Rodrigo Duterte ang Executive Order na magbabawal sa paninigarilyo sa mga pampublikong lugar sa buong bansa.
Ayon kay Secretary Many Piñol, ang draft EO na isinumite ng Department of Health ang gagamitin ng pangulo.
Magugunitang noong Enero, sinabi ni Health Secretary Paulyn Jean Ubial na inatasan siya ni Pangulong Dutere na gumawa ng draft para sa Smoking Ban Executive Order na katulad ng ipinatutupad sa Davao City.
Tags: E.O., Nationwide smoking ban, ngayong araw, pangulo
Nagpatupad ng dagdag-bawas sa presyo ng produktong petrolyo ang ilang kumpanya ng langis ngayong araw.
Nag-rollback ng kuwarenta sentimos sa presyo ng kada litro ng gasolina ang Shell, Petron at Seaoil.
Tumaas naman ng trenta y singko sentimos ang presyo ng kanilang diesel at 30-centavos naman sa bawat litro ng kerosene.
Samantala kaparehong price adjusment din ang ipinatupad ng PTT Philippines, Unioil, Eastern Petroleum, Total at Jetti Petroleum sa gasolina at diesel ngunit wala naman naging paggalaw sa presyo ng kanilang kerosene.
Tags: dagdag-bawas, Ilang kumpanya, LANGIS, ngayong araw, presyo, produktong petrolyo
Pwede nang makatipid ang mga commuter papunta sa kanilang mga opisina kung sila ay gagamit ng UberPOOL.
Dito maaari nang mag-share sa isang taxi ang mga pasahero na may iisang destinasyon.
Mas mababa rin ng hanggang 20-porsiyento ang pamasahe, may kasama man o wala ang pasahero.
Sa mga nais sumakay sa Uber-pool kailangan lamang i-download ang Uber application.
Pagkatapos magregister, ilalagay lamang kung saan ang pick-up location at destination.
Saka lalabas kung magkano ang estimated fare o pamasahe.
Sa pagaaral na ginawa ng LTFRB ang 18 sasakyan na may 28 pasahero ay katumbas lamang ng 10 UberPOOL.
Kaya naman tiyak anila na makakabawas ito sa dami ng mga sasakyang bumabyahe sa major roads araw-araw.
August 2014 nang unang i-launch ng kumpanyang Uber ang car pooling.
(Grace Casin / UNTV Correspondent)
Tags: Car Pooling Service, ngayong araw, Uber
