Binigyan ng 45 araw ni House Speaker Pantaleon Alvarez ang mga airline company na ilipat sa Clark Internatinal Aiport sa Pampanga ang ilan sa kanilang mga flight.
Ito ang nakikitang paraan ng mambabatas para masolusyunan ang congestion ng mga pasahero sa Ninoy Aquino International Airport.
Nasa 19 million ang passenger capacity ng terminal 1 at 3 ng NAIA pero umaabot na sa 20 million ang actual passenger traffic dito sa isang taon.
12 million naman ang passenger capacity ng terminal 2 at 4 subalit nasa 20 million din ang bilang ng mga pasaherong dumadating dito sa isang taon.
Binalaan naman ni Alvarez ang mga airline company na hindi tutugon sa panawagan na ilipat ang ilan sa kanilang mga flight sa Clark.
Pero si Cebu Pacific President Lance Gokongwei, humihingi ng mas mahabang panahon para maisagawa ito.
Samantala, pinag-aaralan na ngayon ng Committee on Transportation na huwag nang pagsamahin sa iisang terminal ang domestic at international flights dahil tanging Pilipinas lang daw ang gumawa nito.
( Grace Casin / UNTV Correspondent )
Tags: Airline companies, Clark, Speaker Alvarez
Sumulat na si House Speaker Pantaleon Alvarez kay Pangulong Rodrigo Duterte para hilingin na i-certify as urgent ang panukalang Bangsamoro Basic Law (BBL).
Sa ngayon, pinag-uusapan pa ng Kamara at ng Bangsamoro Transition Commission (BTC) ang mga probisyong nais amyendahan ng ilang kongresista saka ito ikakalendaryo sa plenaryo.
Kapag dineklarang certify urgent ng pangulo ang BBL, maaari na itong aprubahan sa plenaryo sa second at third and final reading sa loob lamang ng isang araw.
Tags: BBL, BTC, Speaker Alvarez
Halos linggo-linggo umiikot sa iba’t-ibang probinsya ang PDP Laban.
Libo-libong mga pulitiko na rin ang lumilipat na sa ruling party habang papalapit ng papalapit ang May 2019 midterm elections.
Kahapon, ipinakilala ni PDP Laban Secretary General at House Speaker Pantaleon Alvarez ang sampung senatorial candidate ng partido.
Ito ay sina Senate President Koko Pimentel, Maguindanao Rep. Zajid Mangudadatu, Oriental Mindoro Rep. Rey Umali, Negros Occidental Rep. Alfredo Benitez, Presidential Secretary Harry Roque, Sec. Bong Go, Bataan Rep. Geraldine Roman, Davao City Rep. Karlo Nograles, Dating MMDA Chairman Francis Tolentino at Mocha Uson.
Agad naman giniit ng partido na hindi ito maituturing na maagang pangangampanya dahil hindi pa naman pinal ang mga nasa listahan.
Naniniwala rin si Alvarez na malaki ang maitutulong ng mabilis na paglaki ng PDP Laban sa pagpasa ng panukalang federalismo ng pangulo.
( Grace Casin / UNTV Correspondent )
Nagbitiw ng maaangahang na salita si Davao City Mayor Sara Duterte-Carpio laban kay House Speaker Pantaleon Alvarez sa ilan sa kanyang mga post sa social media.
Ikinagalit ng alkalde ang pagtawag umano sa kaniya ni Alvarez na oposisyon dahil sa kaniyang binuong bagong political party na Hugpong ng Pagbabago o HNP.
Binuweltahan din ng alkalde ang umano’y naging pahayag ni Alvarez na kaya nitong ipa-impeach si Pangulong Rodrigo Duterte.
Sa isang post ni Mayor Durterte, sinabi nito na panahon na para ipaalam sa Pangulo ang mga ginagawa ni Alvarez. Nag-ugat ang isyu nang unang tanungin si Alvarez kahapon hinggil sa pagbuo ni Mayor Sara ng isang bagong political party.
Sa text message na ipinadala ni Speaker Alvarez, itinanggi nito ang lahat ng mga akusasyon ni Mayor Duterte. Sa official statement na nilabas ni Mayor Inday kahapon bilang chairperson ng Hugpong Pagbabago, sinabi nito na may basbas ng Pangulo ang pagbuo ng political party.
Una na rin daw sinabi ni Mayor Sara sa Pangulo na hindi siya sasali sa PDP-Laban.
( Grace Casin / UNTV Correspondent )
