8 bagong bagon ng MRT-3, posibleng magamit na ngayong katapusan ng buwan

by Radyo La Verdad | March 1, 2017 (Wednesday) | 2593

Posibleng magamit na ngayong katapusan ng buwan ang mga bagong bagon ng MRT-Line 3 na binili sa China.

Ito ay kung papasa ang mga ito sa final testing stage ng mga engineers mula sa bombardier na supplier ng signaling system ng MRT.

Kagabi sumailalim ang apat na bagon sa signaling test upang matiyak kung ligtas itong gamitin.

Inaasahang matatapos ang final stage testing ng walong bagon o dalawang Dalian train sa loob ng dalawang linggo.

Sa kasalukuyan ay mayroong dalawampung operation trains ang MRT.

Inaasahang makatutulong ang mga bagong bagon ng tren sa daan-daang libong pasaherong sumasakay ng MRT araw-araw.