METRO MANILA – Liban sa Metro Manila, Laguna province at Cebu City na sasailalim na sa Modified Enhanced Community Quarantine (MECQ) simula May 16, 2020, lahat ng Low at Moderate risk areas sa COVID-19 ay sasailalim sa General Community Quarantine o (GCQ) batay sa resolution ng Inter-Agency Task Force (IATF) kontra Covid-19.
Gayunman, limang probinsya sa Central Luzon o Region III ang umapela sa IATF na isailalim muna sila MECQ
Kabilang dito ang mga probinsya ng Bataan, Bulacan, Nueva Ecija, Pampanga, at Zambales at ang highly urbanized city ng Angeles na moderate risk areas.
Batay sa kanilang petisyon, ito ay dahil maraming pang pending sa kanilang ng resulta ng COVID-19 test results, mababa ang tested cases at kinakailangan ang transition period sa pagbabago ng quarantine level mula ECQ sa GCQ.
Tiniyak naman ng palasyo na pag-aaralang mabuti ng pamahalaan ang apela ng ilang lokal na pamahalaan kaugnay ng isyu.
Samantala, nilinaw naman ni Presidential Spokesperson Secretary Harry Roque na ang mga low risk area sa Covid-19 sa bansa ay isasailalim pa rin sa Modified GCQ.
Subalit, kasakulukuyan pang binubuo ng pamahalaan ang mga panuntunan kaugnay nito.
“For simplicity purposes, General Community Quarantine muna sa ngayon po, inaantay pa rin natin yung guidelines, pero for now, pending the guildeines of modified gcq, malinaw naman po ang guidelines sa GCQ, that’s applicable throughout the Philippines except forNCR, Laguna and Cebu City.” ani Presidential Spokesperson Secretary Harry Roque.
(Rosalie Coz | UNTV News)
Tags: Central Luzon, IATF, MECQ
METRO MANILA – Nakatakdang maglabas ng kautusan si Pangulong Ferdinand Marcos Junior upang pormal na bawiin ang State of Public Health Emergency sa bansa dulot ng COVID-19 pandemic.
Ayon kay Health Secretary Teodoro Herbosa, hinihintay na lang ang resolusyon na manggagaling sa Inter-Agency Task force for the Management of Emerging Infectious Diseases (IATF-MEID).
March 8, 2020 nang ideklara ni dating pangulong Rodrigo Duterte ang State of Public Health Emergency.
Tags: Covid-19, IATF, PBBM, State of Public Health Emenrgency
METRO MANILA – Naniniwala si Vaccine Expert Panel Chairperson Doctor Nina Gloriani na maaaring tumaas pa rin ang hawaan ng COVID-19 kung aalisin na ang face mask policy.
Dahil dito posibleng mas madaling makakukuha ng sakit ang mga nasa vulnerable sector katulad na lang ng matatanda, mga bata, at immunocompromised kung lalabas at makikisalamuha sa mga walang mask.
Nanawagan naman sa IATF si Dr. Maricar Limpin, ang immediate past president ng Philippine College of Physicians na pag-isipan muna ang rekomendasyon.
Sa isang panayam, sinabi din Dr. Rontgene Solante, isang infectious disease expert na hindi pa ito ang tamang panahon para sa pag-aalis ng mask.
Ganito rin ang pananaw ng health reform advocate na si Dr. Anthony Leachon.
Bagamat maaari aniya nitong mapanumbalik ang sigla ng ekonomiya, delikado at masyado pang premature ang pag-aalis ng face mask mandate sa ngayon.
Sa pahayag naman na inilabas ng DOH, nakasaad na ang posisyon talaga ng ahensya ay ipagpatuloy ang pagsusuot ng face mask .
Nguni’t sa naging pagpupulong ng IATF, mayroon ding mga datos ang naipresenta para irekomenda na ang pag-aalis nito.
Sa ngayon, hinihintay pa kung maglalabas ng executive order ang pangulo upang maging ganap na polisiya ang opsyonal na pagsusuot ng face mask.
(JP Nuñez | UNTV News)
Tags: DOH, Face mask, health experts, IATF
Pinirmahan na ni Cebu City Mayor Michael Rama ang isang Executive Order kung saan sasailalim sa trial period ang voluntary face mask policy sa lungsod. Base sa EO, iiral ang trial simula September 1 hanggang sa December 31, 2022. Pero awtomatiko itong ili-lift kapag magdudulot ng Covid-19 surge sa syudad.
Ayon sa Department of Health, hindi sila nakonsulta sa bagong polisiya ng lungsod.
Sinabi ni DOH officer-in-charge Undersecretary Maria Rosario Vergerie, na pag-uusapan na nila at ng IATF ang magiging rekomendasyon kay Pangulong Ferdinand Marcos Jr. ukol sa face mask policy.
“We are not aware of this proposal. Lahat po ito ay pag-uusapan mamaya. May IATF po kami. We have convened the IATF. Remember, IATF is recommendatory to the office of the President. We will be discussing all of these issues later on and we will be informing the public once the office of the President has decided already,” pahayag ni Usec. Maria Rosario Vergeire, OIC, DOH.
Una ng sinabi ng Malakayang na ikokonsidera ng Pangulo ang magiging opinyon ng DOH, Department of the Interior and local Government at iba pang mga sektor sa magiging desisyon sa face mask policy.
(Lalaine Moreno | UNTV News)
Tags: Cebu City, DOH, face mask policy, IATF, Maria Rosario Vergeire
