Handang tugunan ng PNP Highway Patrol Group ang hiling ng Land Transportation Franchising and Regulatory Board o LTFRB sa pagbabantay sa North Luzon Expressway o NLEX.
Ito’y dahil na rin sa nangyayaring pambabato sa mga provincial buses na dumadaan sa NLEX partikular sa bahagi ng Pangasinan, Nueva Ecija at Cagayan.
Ayon kay PNP-HPG Director P/CSupt. Arnold Gunnacao, kasama sa mandato nila ang public safety kaya’t hindi sila magdadalawang isip na magdeploy ng tauhan sa mga lugar kung saan nangyayari ang batuhan.
Sinabi pa ni Gunnacao na minimum ng 10 tauhan ang itatalaga nila sa bawat lugar na magmumula sa mga Regional office ng HPG.
Hindi naman aniya ito makaaapekto sa regular na trabaho ng HPG.
Base sa datos ng LTFRB noong 2015, mayroong 23 insidente ng pambabato sa mga provincial buses sa Nueva Ecija, 148 sa Pangasinan at 25 sa Cagayan.
Dagdag pa ng heneral, tiyak na nababahala na ang mga pasahero at driver ng mga provincial buses na uuwi sa mga lalawigan sa Norte ngayong mahabang bakasyon kaya naman handa silang tumulong sa pagbabantay.
Sinabi rin ng pamunuan ng HPG na hindi maapektuhan ang operasyon nito sa EDSA ng pagtatalaga ng mga tauhan SA NLEX.
(Lea Ylagan/UNTV NEWS)
Tags: North Luzon Expressway, PNP HPG Director P/CSupt. Arnold Gunnacao
Pinaigting na ng North Luzon Expressway (NLEX) ang kanilang traffic management measures para sa inaasahang pagdami ng mga sasakyan ngayong long holidays.
Mula December 23 hanggang January 3, 2023, paiigtingin ng NLEX ang kanilang operasyon maging sa Subic Clark Tarlac Expressway (SCTEX) para tulungan ang mga motorista.
Mahigpit na babantayan ng management teams ang Balintawak, Mindanao, Karuhatan, Valenzuela, Meycauayan, Marilao, Bocaue, Sta. Rita, Pulilan, San Simon, San Fernando, Clark South, Tarlac, Tipo at Subic Freeport Expressway.
Inaasahan ang mataas na volume ng mga sasakyan sa mga naturang lugar.
Sherwin Culubong | UNTV News
Tags: NLEX, North Luzon Expressway
Iniinda ng mga motorista ang matagal ng pagbaha sa San Simon Exit papuntang North Luzon Expressway.
Ito ay dahil sa halos tatlong buwan nang lubog sa baha ang lugar dulot ng mga pag-ulan dala ng habagat na tumaas pa dahil sa pananalasa ng Bagyong Ompong.
Gaya na lamang ni Mang Marlon na tatlong taon nang dumadaan sa kalsadang ito papunta sa kaniyang trabaho. Madalas aniya tumitirik ang kaniyang motorsiklo.
Problema din ni Mang Marlon ang sirang daan na mistulang sungkaan dahil sa dami ng butas nito.
Ang isang gasoline station sa San Simon, mahigit walong porsyento na daw ang nalulugi sa mga negosyo dahil konti nalang ang dumadaang mga tao at mga sasakyan dahil sa taas ng baha.
Ayon naman sa lokal na pamahalaan ng San Simon, ginagawan na nila ng aksyon ang problemang ito.
Samantala, kung lalabas ng North Luzon Expressway galing San Simon, maaaring dumaan sa may Tulaoc.
At sa mga pupunta naman sa syudad ng San Fernando galing Apalit, maaari ding dumaan sa manabak.
( Leslie Huidem / UNTV Correspondent )
Mahigpit nang binabantayan ngayon ng pamunuan ng North Luzon Expressway ang daloy ng trapiko sa NLEX.
Inaasahang ngayong gabi ang bulto ng mga magbibiyahe pauwi sa mga lalawigan dahil simula bukas ay wala ng pasok.
Sa pagtaya ng NLEX Management, aabot sa mahigit dalawandaang libong sasakyan ang dadaan dito.
Mas mataas ito ng dalawampung porsyento sa isang daan at siyamnapung libong motorista na karaniwang dumaraan sa NLEX.
Sa ngayon ay nagkakaroon na ng buildup ng mga sasakyan.
Paalala naman ng NLEX Management, walang maasahan ngayon na free towing at wala rin medical assistant sa mga gasoline station.
Subalit sakaling magka aberya, maaring namang tumawag sa NLEX Hotline na 02-3-5000 para sa towing ng sasakyan
Naka deploy naman ang ambulance ng NLEX sakaling magkaroon ng aksidente.
Mahigpit namang ipinatutupad ang 80-100 kilometers per hour speed limit sa NLEX para makaiwas sa aksidente.
Inaasahang hanggang bukas ng gabi ang pagsisikip ng trapiko sa NLEX.
January 2 o 3 naman ng hapon hanggang January 4 ng umaga, araw ng lunes, inaasahang muling mararamdaman nag mabigat na trapiko dahil sa mga biyaherong pabalik ng Metro Manila.
Samantala, maaari ding mamonitor ang lagay ng traffic sa NLEX sa pamamagitan ng pag-log on sa official website ng tollways management corporation sa www.tollways.net.ph o i-follow ang twitter account ng nlex, www.twitter.com/nlextraffic.
(Nestor Torres/UNTV News)
