Dalawang batang babae sa Bataan at Quezon City ang namatay umano matapos bakunahan ng Dengvaxia. Batay sa immunization record, binakunahan ang sampung taong gulang na si Christine Mae de Guzman noong Abril ng nakaraang taon sa kanilang paaralan sa Sisiman, Mariveles, Bataan.
Makalipas ang anim na buwan, nagpositibo na ito sa dengue at namatay apat na araw matapos makitaan ng sintomas. Sa death certificate nito, nakasaad na severe dengue ang ikinamatay ng bata.
Namatay din ang grade 5 student sa Quezon City na si Anjielica Pestilos tatlong buwan matapos mabakunahan. Sa death certificate ni Pestilos, nakasaad na lupus ang ikinamatay nito. Pero ayon kay Doctor Erfe, sinuri nila ang records nito sa ospital at natuklasan na may mga palatandaan ito ng dengue.
Nagbigay na ng salaysay ang mga magulang ng dalawang bata at gagamitin ito sa kasong isasampa sa mga opisyal ng nakaraang administrasyon.
Nananawagan naman ang Volunteers Against Crime and Corruption sa NBI na agapan ang mga ebidensiya kaugnay ng Dengvaxia vaccination program.
( Roderic Mendoza / UNTV Correspondent )
Tags: Dengvaxia, namatay, Public Attorney's Office
METRO MANILA, Philippines – Umaapela si Pangulong Rodrigo Duterte sa mga magulang na pabakunahan ang kanilang mga anak.
Sa ulat ng World Health Organization, nakapagtala ng mahigit 17,200 reported cases ng measles o tigdas sa Pilipinas mula Enero hanggang Nobyembre noong nakaraang taon. Mas mataas ito ng 367 porsyento kung ikukumpara sa naitalang kaso sa kaparehong buwan noong 2017.
Ayon sa Department of Health, 40 porsyento ang ibinababa ng bilang ng mga nagpabakuna noong 2018 para sa measles na ikinababahala ng pamahalaan.
“You’re gonna have outbreaks, sooner than later,” ani DOH Secretary Francisco Duque III.
Kaya nanawagan ang Punong Ehekutibo sa mga magulang na huwag matakot na pabakunahan ang kanilang mga anak.
“Do not be lulled and be complacent about it kasi ang sanggol talaga kailangan (‘yan). Iyong Dengvaxia lang kung ayaw ninyo, okay lang. But lahat ng anak ninyo hindi naman tayo nagkulang sa bakuna eh ‘di — because it is good and it is for the health of the person noong maliit pa hanggang lumaki,” ani Pangulong Duterte.
Ayon pa sa Presidente, dahil sa nangyaring kontrobersiya kaugnay ng bakuna kontra dengue o ang dengvaxia mess ay bumaba ang bilang ng mga magulang na pinapabakunahan ang kanilang mga anak. Hindi lamang sa measles kundi maging ang mga bakuna sa diphteria, tetanus, hepatitis at polio ay iniiwasan na rin.
(Aiko Miguel | UNTV News)
Tags: Dengvaxia, diphteria, hepattitis, measles, polio, Rodrigo Duterte, tetanus, vaccine
367% ang naitalang pagtaas sa kaso ng measles o tigdas sa bansa ngayong taon kumpara noong 2017. Sa tala ng Department of Health (DOH), mula Enero hanggang Nobyembre 2018, mahigit 17, 000 ang naitala nilang kaso ng tigdas.
Ayon kay DOH Secretary Francisco Duque III, lumobo ang kaso ng tigdas sa bansa dahil sa kawalan ng tiwala ng publiko sa immunization program ng pamahalaan dulot ng kontrobesiya sa Dengvaxia.
Mula aniya nang pumutok ang isyu ng Dengvaxia, maraming mga Pilipino na ang natakot magpabakuna, kahit pa ng mga bakunang matagal nang napatunayang epektibo gaya ng bakuna sa tigdas.
Ito ang dahilan kung bakit nakapagtala na rin ang DOH ng mga measles outbreak sa Zamboanga noong Pebrero kung saan anim ang naitalang nasawi.
Nitong Oktubre, nakapagtala rin ng 300% pagtaas ng kaso ng tigdas sa Bicol.
At kahapon lamang, labing walo na ang naitalang nasawi sa tigdas sa Sarangani Province mula sa walumpu’t apat na tinamaan ng sakit doon.
Karamihan sa apektado ng tigdas ay nasa apat na buwan hanggang 40 taong gulang at karamihan ay mga babae. Nakitaan ang mga ito ng mga sintomas gaya ng lagnat, sipon, ubo, pamumula ng mata, pamamaga ng lalamunan at rashes sa buong katawan. Lahat ng mga naitalang may tigdas ay hindi pa nagkakatigdas noon.
Bumuo naman ng investigating team ang DOH para sa naturang mga kasong naitala sa Sarangani Province. Ang mga kaso ay mula sa B’Laan Tribe na hindi sanay magpabakuna.
Ayon pa kay Sec. Duque, conflict-affected area din ang mga lugar kaya isa rin itong dahilan kung bakit hindi agad naabot ng serbisyong medikal ng pamahalaan.
Samantala, nabakunahan na ng DOH ang dalawang daang bata sa mga lugar kung saan may naitalang kaso ng tigdas upang huwag nang mahawa ang mga ito.
( Aiko Miguel / UNTV Correspondent )
Kinumpirma ng Department of Health (DOH) na labingsiyam na mga batang naturukan ng Dengvaxia ang nasawi dahil sa dengue.
Pero nilinaw ni Health Undersecretary Eric Domingo na pinag-aaralan pa nila kung dahil sa Dengvaxia kaya sila nagka-dengue o kaya ay hindi naging epektibo ang bakuna sa kanila.
Samantala, target ng DOH na maghain na ng kaso sa korte laban sa kumpanyang Sanofi Pasteur ang manufacturer ng Dengvaxia.
Matatandaang Nobyembre 2017, naglabas ng advisory ang Sanofi Pasteur na posibleng magkaroon ng severe dengue ang mga nabakunahan ng Dengvaxia na hindi pa nagkakaroon ng dengue.
