Nadagdagan nga ang bilang ng mga naputukan sa Bicol Regional ayon sa ulat ng Department of Health Region V.
Dalawa na ang naitalang firecracker related injuries sa Catandunaes mula sa Brgy. Pacogon, San Miguel at sa Brgy. Yocpi, San Andres.
Umakyat naman sa labing apat ang biktima ng paputok sa Camarines Sur.
Sa kabuuan may 54 nang naitala ang DOH Region 5 na mga biktima ng paputok sa buong Bicol.
Samantala isang lalaki naman ang isinugod sa Bicol Regional Training and Teaching Hospital matapos umanong tagain ng kainuman nito sa isang beer house sa Brgy. Baybay, Malinao, Albay.
Kinilala ang biktima na si Ryan Cherva, 37 taong gulang.
Ayon sa mga kaanak ibinalita na lamang umano sa kanila ng PNP Malinao na sugatan si Ryan sa kamay dulot ng pananaga.
Sa ngayon nga ay nakararanas ng pagbuhos ng malakas na ulan ang buong Albay.
Habang nagiwan naman ng maraming kalat sa daan ang pagsalubong ng taong 2016 dahil sa mga ginamit na paputok at pagkain.
(Allan Manansala / UNTV Correspondent)
Tags: BICOL REGION, bilang, ilang oras, naputukuan, pagpapalit ng taon
Manila, Philippines – Lumago ang ekonomiya ng 17 rehiyon sa bansa noong 2018 ayon sa ulat ng National Economic Development Authority (NEDA).
Ang Bicol region ang nakapagtala ng pinakamataas na growth rate na may 8.9%, sinundan ito ng Davao at ng Mimaropa na nasa 8.6%.
Ang mga rehiyon naman na may pinakamababang growth rates ay ang mga lugar na may pinakamabilis ding paglaki ng populasyon tulad ng CARAGA, Cagayan Valley at National Capital Region.
“Poor regions must catch up fast. As widening disparities may be more a result of high rate of population growth in some regions than poor economic performance per se, stakeholders especially Local Government Units must also support the government’s family planning and reproductive health program” ani Neda Undersecretary Adoracion Navarro.
(Rosalie Coz | Untv News)
Tags: BICOL REGION, Davao Region, MIMAROPA Region, National Capital Region, NEDA
Walang ibinigay na special mission kay Police Chief Superintendent Jovie Espenido sa Bicol Region ayon kay PNP Chief Oscar Albayalde.
Ayon kay Albayalde, inilipat sa Bicol simula noong ika-11 ng Oktubre bilang bahagi ng proseso para siya ay mapromote sa ranggong police superintendent.
Dagdag pa ng heneral, gaya ng ibang opisyal ng pulis, ang tanging bilin kay Espinido ay gampanang mabuti ang kaniyang trabaho. Aniya, hindi naman dapat katakutan sa isang lugar si Espenido.
Dagdag pa ni Albayalde, kung may pagmamalabis o pang-aabuso na ginagawa ang mga pulis ay iniimbestigahan ito ng pamunuan ng PNP at kinakasuhan kung mapatutunayan.
Si Espenido ang chief of police sa Ozamiz City ng mapatay sa raid sina Mayor Reynaldo “ Aldong “ Parojinog at siya rin ang hepe ng Albuera, Leyte noong mapatay si Mayor Rolando Espinosa Sr. sa loob ng kulungan.
Ang dalawang alkalde ay parehong nasa narcolist ni Pangulong Rodrigo Duterte.
( Lea Ylagan / UNTV Correspondent )
Tags: BICOL REGION, Pangulong Rodrigo Duterte, PCInsp. Espenido
Minsan nang pinagsisihan ng batang si Lyn, hindi tunay na pangalan ang pagsapi nito sa New People’s Army sa Masbate, 2 taon ang nakalipas.
Sa murang edad, nakaranas aniya siya ng miserableng buhay sa kilusan ng mga armadong grupo na lumalaban sa pamahalaan.
Sumapi si Lyn sa NPA sa edad na 14, at sa halip aniya na paglalaro at pag-aaral ang kanyang inaatupag, baril at bala ang palagi nitong dala-dala. At dahil may angking talino, pinagkatiwalaan din si Lyn ng samahan na humawak ng budget ng kilusan.
Isa lamang si Lyn sa 109 na dating miyembro ng NPA na nagbalik-loob na sa pamahalaan sa Masbate.
Sa pagbisita sa probinsya ng Masbate ni Secretary of National Defense Delfin Lorenzana, iniharap sa kaniya ang nasa 109 former rebels na pawang mula sa mga probinsya ng Sorsogon at Masbate.
Pinangunahan ng kalihim ang pagkakaloob sa mga ito ng agarang livelihood assistance tulad ng sewing machine sa mga babae habang welding machine naman sa mga kalalakihan. Ito ay sa ilalim Enhanced Comprehensive Local Integration Program (E-CLIP) ng Duterte administration.
Layunin nito na magbigay ng tulong sa mga dating rebeldeng kusang loob na sumusuko sa pamahalaan upang makamit ang kapayapaan at katahimikan ng bansa.
Ang Technical Education and Skills Development Authority (TESDA), nakapagturo na sa mga dating rebelde ng mga livelihood seminars tulad ng welding machine skills, rug making para sa mga kababaihan at small engine skills.
Sa susunod na taon ay pagkakalooban na rin ng sariling bahay at lupa ang mga fomer rebels na kabilang sa programa ng E-CLIP.
Sa ngayon ay pansamantalang nanunuluyan ang 109 mga sumukong rebelde sa half way house na matatagpuan sa loob ng Masbate Police Provincial Office.
Samantala, batay naman sa pag-aaral ng National Government, pumapangalawa ang Bicol Region sa may pinakamaraming bilang nga mga rebeldeng nagbalik-loob sa pamahalaan.
Nauna rito ay ang probinsya ng Davao sa Mindanao.
( Allan Manansala / UNTV Correspondent )
Tags: BICOL REGION, MASBATE, NPA
