11 patay sa lumubog na migrant boat karagatan ng Turkey

by Radyo La Verdad | December 23, 2015 (Wednesday) | 1326

(photo credit: REUTERS)

Labing isang migrants ang nalunod at pito ang na-rescue matapos lumubog ang sinasakyang bangka sa western coast ng Turkey.

Patungo ang mga migrant ng Greece nang maganap ang insidente.

Hindi naman tiyak ang bilang ng sakay ng lumubog na bangka.

Sa ngayon ay pinaigting na ng Turkish Coastguard ang search and rescue operations sa iba pang nawawala.

Ayon sa U.N Refugee Agency at International Organization For Migration ngayong taon umabot na sa mahigit isang milyong refugee ang tumawid ng Europe.

Samantala, mahigit tatlong libo anim na raan sa mga ito ang nasawi o nawawala.