METRO MANILA – Nakapag- report ang Bureau of Internal Revenue (BIR) sa Department of Finance (DOF) sa nakolekta nitong ₱547.9M buwis mula sa naipasarang 178 establisyemento mula noong Enero hanggang Setyembre ng kasalukuyang taon.
Ayon sa report ni Finance Secretary Carlos Dominguez III, nakapag- file ang BIR ng 14 na kaso sa Court of Tax Appeals (CTA) upang makolekta ang ₱338Mna tax liabilities mula sa iba’t ibang respondents ng nasabing mga kaso.
Sa pahayag ni BIR Deputy Commissioner Arnel Guballa sa nakaraang pagpupulong ng DOF Executive Committee, ang operasyon laban sa 178 na ipinasarang establisyemento ay sang-ayon sa Revenue Memorandum Order (RMO) No. 3-2009 o ang “Oplan Kandado Program”.
Dagdag ni Guballa, 72 complaints ang nakahain sa Department of Justice (DOJ) para sa halos ₱3.4B na tax liabilities, at ngayon ay nasa ilalim na ng preliminary investigation.
Noong 2019, nasamsam ng BIR ang kabuuang ₱1.92B mula sa Oplan Kandado Program bilang resulta ng pansamantalang pagpapasara ng 743 na establisyementong may iba’t ibang violations sa National Internal Revenue Code.
Tumaas ng 218.88% ang improvement rate ng BIR sa implementasyon ng Oplan Kandado Program kaysa noong 2018 na 233 establisyemento lamang ang naipasara. Tumaas din sa 140.76% ang koleksyon ng nasabing departamento na umabot sa ₱799.47M noong 2019.
(Evangelyn Alvarez | La Verdad Correspondent)
METRO MANILA – Ngayon ang huling araw ng filing at pagbabayad ng annual Income Tax Return (ITR) ayon sa Bureau of Internal Revenue (BIR).
Ang mga hindi aabot sa deadline ngayong araw (April 15) ay magkaroon ng penalty ayon sa BIR at ito ay ang surcharge, interest at compromise.
Ang surcharge ay 25% na ipapataw sa tax due ng ITRs kasunod ay ang interest na 12% per annum o 1% kada buwan na idadagdag.
Lalong tataas ang interest rate na babayaran kung hindi agad masettle ang ITRs sa pinaka maagang araw matapos ang deadline.
Inaasahan naman ng BIR na makalikom ng mahigit P400-B ngayong buwan at binigyang diin na ang ITR filing ay hindi na ieextend matapos ang araw na ito, April 15.
Nauna nang sinabi ni BIR Commissioner Romeo Lumagui Jr. na ang tax campaign ng ahensya ay nagsimula noong Pebrero pa.
Kaya inaasahang sapat na panahon ang mga nagbabayad ng buwis para maihanda ang mga kailangan at masettle na ang kanilang ITR.
Sa mga hahabol ngayong araw (April 15), maaaring hindi pumila nang mahaba at bumyahe pa dahil ang pagfa-file ay pwede nang gawin online sa pamamagitan ng E-BIR forms sa website ng BIR.
Antayin lang ang confirmation at considered as filed na rin ito ayon sa ahensya. Maging ang pagbayad ay maaari na rin sa mga online paying platforms.
METRO MANILA – Iginiit ng Bureau of Internal Revenue (BIR) na hanggang April 15 lang ang deadline ng filling ng annual Income Tax Return (ITR).
Muling nagpaalala ang BIR na mas makabubuti sa taxpayers kung mag-sumite ng ITR nang mas maaga bago pa ang deadline upang makaiwas sa mahabang pila sa kanilang mga opisina at maging sa mga bangko, lalo pa ngayon na nararanasan ang matinding init ng panahon.
Binalaan din ng ahensya ang mga taxpayer na mahaharap sa kaukulang penalty ang mga hindi makakapag-file ng annual ITR hanggang sa itinakdang deadline.
METRO MANILA – Inanunsyo ng Bureau of Internal Revenue (BIR) ang 20 karagdagang mga gamot na exempted sa Value Added Tax (VAT).
Partikular na rito ang mga gamot na para sa cancer, hypertension at mental illness.
Ayon kay BIR Commissioner Romeo D. Lumagui Jr., ang mga nabanggit na gamot ay kasama sa VAT-exempt drugs and medicines batay sa section 109 (AA) ng National Internal Revenue Code of 1997, na binago ng Train law at Create act.
Inihayag ng BIR na asahan ang patuloy na pagtulong ng ahensya para maibsan ang gastos ng mga Pilipino, lalo na ang mga mahihirap, para sa kanilang mga kinakailangang gamot.
