Nakapagtala ng zero casualty ang bayan ng Pandan, Catanduanes matapos humagupit ang bagyong Rolly sa lalawigan.
Isinagawa sa mga residente ang forced evacuation sa mga lugar na malapit sa dagat at ilog.
Ayon sa pinakahuling datos ng lokal na pamahalaan ng Catanduanes umabot sa 842 na pamilya o may kabuoang 3,456 na indibidwal ang lumikas para masigurado ang kaligtasan ng lahat.
Pangunahing nawasak,nasira at tinupok ng bagyo ang mga bahay na gawa sa light materials, sa kabuuan aabot sa 222 na bahay ang nawasak sa Pandan, Catanduanes.
Kaugnay nito, matapos manalasa ang bagyo ay maagang inumpisahan ng lokal na pamahalaan ang road clearing operations sa direktiba ng alkade ng lokal.
Ayon sa lokal na pamahaalan passable na ang lahat ng kalsada sa 26 na barangay ng bayan matapos ang nasabing hakbang. Hinihingi ng alkalde sa mga kababayan ang pakikipagtulungan para sa agarang pagsasaayos ng mga tumbang puno dahil sa hagupit ni bagyong Rolly.
(Jasper Barangan | La Verdad Correspondent)
Tags: Catanduanes, zero casualty
Virac Catanduanes – Maagang kinumpuni ng mga residente sa Catanduanes ang kanilang mga bahay upang matiyak na magiging matibay ito sa paparating na Bagyong Tisoy.
Samantala inilikas na ng lokal na pamahalaan ang mga pamilyang nakatira sa mga lugar na posibleng bahain. Sa local na pamahalaan ng Catanduanes nagsimula na ring mag-repack ng mga relief goods na ipamimigay sa mga maaapektuhan ng bagyo.
Naka pwesto na rin ang mga rescue equipment maging ang isang speed boat ng Provincial Disaster Risk Reduction and Management Council (PDRRMC) ng Catanduanes para magamit sa mga residenteng kailangang ilikas, nakaantabay na rin ang Philippine National Police (PNP) sa Catanduanes upang asistehan ang mga maaapektuhang residente.
Samantala mahigit 900 pamilya na ang lumikas, na karamihang nakatira sa coastal area at landslide prone area sa Bayan Virac, san Andres, Viga, Bagamanoc, San Miguel at Caramoran
Pero sa kabila nito may iilan pa rin sa mga residenteng nakatira malapit sa tabing dagat ang ayaw lumikas sa kabila ng banta ng Bagyong Tisoy
Bilang paghahanda na rin sa posibleng magiging epekto ng Bagyong Tisoy nag kansela na ng klase ang local na pamahalaan ng Catanduanes sa lahat ng antas ng paaralan, pribado man o pampubliko
(Allan Manansala | UNTV News)
Tags: bagyo, Catanduanes
Nagsimula na ring maramdaman sa probinsya ng Catanduanes ang bagsik ng Bagyong Ompong.
Sa ngayon ay nararanasan na sa lalawigan ang malakas na buhos ng ulan, at malakas na ihip ng hangin.
Suspendido na ang klase at sa lahat ng antas sa buong Catanduanes; gayundin ang pasok sa trabaho na mga nasa pampublikong tanggapan.
Halos wala na ring mga sasakyan na bumibiyahe sa mga kalsada dahil sa lakas ng buhos ng ulan at ihip ng hangin sa buong lalawigan.
Tags: Bagyong Ompong, Catanduanes, ulan
Isa ang Barangay Hitoma sa Caramoran, Cantanduanes sa madalas na bahain sa tuwing may bagyo o malakas ang ulan.
Kaya ito ang napiling benepisyaryo ng charity works ng dalawampung Taiwanese high school at college students na miyembro ng Waker Foundation.
Isa sa mga proyekto ng mga ito ay ang paglalagay ng dike.
Ayon sa foundation ang pondo na kanilang ginagamit sa konstruksyon ng dike ay mula sa ambag ng kanilang mga miyembro para gamitin sa mga ganitong uri ng proyekto.
Maliban sa pagtatayo ng dike target din nila na makapagbigay tulong para sa edukasyon ng mga bata sa lugar na kanilang pinupuntahan
Laking pasasalamat naman ng mga opisyal ng Barangay Hitoma dahil kabilang sila sa nabiyayaan ng ganitong mga proyekto
Matapos gawin ang itinatayong dike ay babalik na sa taiwan ang mga batang volunteers.
(Allan Manansala / UNTV Correspondent)
Tags: Caramoan, Catanduanes, dike, Taiwanese volunteers
