Wildfire sa San Bernardino, California, umabot na sa mahigit 400 hektarya

by Radyo La Verdad | August 8, 2016 (Monday) | 1904

Wildfire sa San Bernardino, California(REUTERS)

Umabot na sa mahigit apat na raang ektarya ang natupok sa wildfire malapit sa Pilot Rock Conservation Camp sa San Bernardino, California.

Nasa 400 bumbero ang kasalukuyang nagtutulong-tulong upang apulain ang tinaguriang pilot fire.

Patuloy ang paglikas ng mga residente ng Summit Valley area malapit sa Cedar Springs dam at Arrowhead Lake road.

Nag-anunsyo na ang local na pamahalaan kung saan maaring pumunta ang mga residente at kung saan maaring dalhin ang kanilang mga alagang hayop.