Muling magbabalik sa hardcourt ng liga ng mga public servant; ang magigiting na heneral at colonel ng Philippine National Police (PNP) at Armed Forces of the Philippines (AFP).
Ang mga mahistrado, judges at prosecutors ng Judiciary, Department of Justice (DOJ) at Office of the Ombudsman. Ang mga senador ng mataas na kapulungan ng Kongreso.
At ngayong taon, makakasama na rin sa executive face off ang ilang gabinete ni Pangulong Rodrigo Duterte at executives ng Government Service Insurance System (GSIS).
Ang walong koponan ay magtutuos para sa one million pesos cash prize para sa tatanghaling kampyon na ibibigay naman nila sa kanilang napiling benificiaries.
Sa kabuuan ay aabot sa 2 million and 350 thousand pesos ang nakalaang premyo ngayong season.
Para sa AFP Cavaliers, malaking hamon sa kanila na idepensa ang championship title ngayong season.
Ang PNP Responders naman sa pangunguna ng bagong PNP chief na si Police Director General Oscar Albayalde, nangakong babawi matapos silang talunin ng AFP sa makapigil hingingang overtime game sa championship noong nakaraang executive face off.
Habang ang Senate Sentinels, Judiciary Magis, DOJ Justice Boosters, Ombudsman Graft Busters, GSIS Thunder Furies at Malacañang PSC Kamao na hindi rin nagpapahuli sa paghahanda.
Saksihan ang opening game ng UNTV Cup Off Season Executive Face Off sa Linggo, alas syete ng gabi sa Smart Araneta Coliseum.
( Bernard Dadis / UNTV Correspondent )
Tags: Face Off, public servant, UNTV Cup
METRO MANILA – Naging kapana-panabik ang bakbakan ng mga lingkod-bayan sa pagpapatuloy ng UNTV Cup Season 9 noong linggo, February 26 sa Novadeci Convention Center, Quezon City.
Mula sa buena-manong pagkatalo ng GSIS Furies sa opening game ng second round eliminations kontra Season 5 Champion PNP Responders, ipinaramdam ng koponan ang kanilang bagsik matapos patumbahin ang defending champions DENR Warriors sa final score na 95-86. Itinanghal na best players sina James Abugan at Rene Boy Banzali na may combined 40 points.
Pagsapit ng second game ng triple-header match, walang habas na tinambakan ng Judiciary Magis ng 27 puntos ang PNP Responders sa kanilang ball game sa score na 85-58. Sa 85 puntos na ipinukol ng Magis, 35 puntos dito ay galing sa ex-PBA player na si Chester Tolomia na siya ring itinanghal na best player ng laban.
Sinipa naman ng three-time champion AFP Cavaliers paalis ng top seed at pinatikim ng ikalawang sunod na pagkatalo ang Season 6 Champion Senate Defenders sa main event na kung saan nag-ambag ng double-double performance si Darwin Cordero na mayroong 20 points at 10 rebounds.
Kasunod ng panalo ng Judiciary Magis at pagkatalo ng Senate Defenders, umangat na sa first place ng team standings ang Judiciary na may 5-2 win-loss record kasunod ang AFP at Senate sa ika-2 at ika-3 puwesto na may kapwa 4-2 record. Nag-improve rin ang standing ng GSIS sa ika-6 na puwesto na may 4-3 record kasama ng PNP at DENR.
(Judren Soriano | La Verdad Correspondent)
Muling dumagundong ang Mall of Asia Arena sa pagparada ng labingdalawang koponang kalahok sa ikawalong season ng Liga ng Public Servants ang UNTV Cup!
Ayon sa may konsepto ng liga, na si Mr. Public Service Kuya Daniel Razon, sa nakalipas na pitong season umabot na sa mahigit limampung milyong piso ang naitulong ng torneo sa napiling beneficiaries ng bawat koponan.
“Ito po ang liga na yung mga participating teams wala silang binabayarang bond. Wala din po silang binabayarang joining fee. Unlike any other league kung mababalitaan nyo po yung iba’t-ibang mga liga na sinasalihan ngayon mayroon silang mga joining fee, meron po dyan 20 million para makasali, meron pong 50 million para makasali. Hindi po ang UNTV ang pumipili kung sino ang charity o charitable institutions na kanilang pagbibigyan ng kanilang mapapanalunan,” dagdag ni Kuya Daniel Razon, CEO of BMPI-UNTV.
Ikinatuwa naman ng pangunahing katuwang ng UNTV sa mga public services tulad ng UNTV Cup na si Bro. Eli Soriano ng Members Church of God International (MCGI) ang pagsuporta ng bawat koponan sa adhikain ng paggawa ng mabuti sa pamamagitan ng basketball.
Sinabi ni Bro. Eli Soriano , Overall Servant, MCGI, “Ang aming dalangin sa Dios sana lahat ng participating teams magkaroon kayo ng suwerte sa buhay, one way or the other pagpalain ng Dios ang inyong pamilya, ang inyong mga sangbahayan, mahal sa buhay dahil sa iyong effort na makatulong sa paggawa ng kabutihan sa kapuwa.”
Samantala, ipinamalas ng three-time champion AFP Cavaliers ang kanilang bangis nang payukurin ang PITC Global Traders sa opening game kagabi sa score na 90-70.
Umpisa pa lang ng ballgame ay binomba na ng opensa ng Cavaliers ang Global Traders. Mapa-outside shooting o sa paint area man, hindi nagpatinag ang AFP. Samahan pa ng mahigpit na depensang tila nagsasabi kaya nilang idepensa ang championship title.
“In time makaka recover yan , alam mo naman noong nakapukpok sila nakahabol, so even they are the defending champion alam namin kaya namin, we have to begiven some time to recover from everything makapag ensayo kami ng maayos,” ayon kay Headcoach,PITC Global Traders, Victor Ycasiano.
Best players of the game sina Jerry Lumongsod na may 16 points at Wilfred Casulla Junior na may 15 points at 12 rebounds.
Nanguna naman sa PITC sina Rod Vasallo at Marlon Martin na may tig-labingwalong points, at Undersecretary Dave Almarinez na may 13 points.
Hinati sa dalawang grupo ang labing dalawang koponan. Magtutuos ang magkakagrupo sa pamamagitan ng round robin para sa first round eliminations. Ang panlima at pang-anim na pwesto sa Group A at B ang mae-eliminate matapos ang tiglimang laban.
Magsasanib naman ang natitirang walong koponan sa second round eliminations kung saan may siguradong tig- apat silang laban.
Ang mga koponang may pinakamaraming naipanalo, makararating sa una at ikalawang pwesto, at otomatikong aakyat sa semi-finals.
Ang numbers 3,4,5 at 6 ang maglalaban sa quarter-finals at ang team numbers 7 at 8 ay magpapaalam na sa liga.
Round robin ang sistema sa quarter-finals kung saan ang dalawang team na may pinakamaraming maipapanalo sa tatlong laban ang aabante sa semi-finals habang ang numbers 3 at 4 ay mae-eliminate.
Sa semis, best of three series na ang proseso kung saan lalabanan ng number one team ang pangalawang may pinakamaraming panalo sa quarter-finals at ang number 2 team naman, haharapin ng koponang may pinakamaraming panalo sa quarter-finals.
Ang dalawang may pinakamaraming panalo ang magtutuos sa best of three series sa finals.
“Pitong buwan tatakbo ang torneo kung saan aabangan natin sa marso sino ang dalawang koponan ang magtutuos para sa kampyonato at mag uuwi ng Apat na Milyong Piso na pa premyo.”
(Bernard Dadis | UNTV News)
METRO MANILA, Philippines – Sino nga ba ang makalilimot sa mga hinahangaang Basketbolistang naglaro noong dekada 80, 90, at early 2000s?
‘Di maitatangging hanggang ngayon, maraming taon man ang lumipas, sila ay patuloy na minamahal at tinitingala ng kanilang mga tagahanga.
Nariyan ang ilang mula’t sapul ay bukod sa pagsubaybay sa laro ng Favorite player at team, ay may koleksyon po ng mga memorabilia.
Bakit nga ba kahit matatanda na ang mga PBA Legends ay pinanonood pa rin sila ng mga Pinoy?
“Ang mga PBA Legend na iyan, pundasyon na iyan eh. Naging pundasyon iyan ng PBA, so whatsoever na dumarating na bago, still the Legends,” ani PBA Legends Fan, Jerry Perez.
“Kasi nakita naman namin noon pa kung gaano sila maglaro, kung gaano sila ka-energetic at kung gaano sila kahuhusay maglaro,” ayon kay PBA Legends Fan, Gil Apinado.
“Ang pagtanda nila ay lalo sila yatang bumilis at lumakas sa ngayon. They are inspired of coming back to the court,” ani PBA Legends Fan, Roberto Rodrigo.
At para naman sa mga itinuturing nang pundasyon ng Philippine Basketball, nanatili ang pasasalamat nila sa mga Pilipinong nagpakita ng kanilang suporta mula noon hanggang ngayon.
“Siguro maybe noong active kami before may mga fans na siguro and I’m so thankful for them up to now nandoon pa rin ang support nila so it’s an overwhelming experience sa mga fans, so maraming maraming salamat sa kanila,” sinabi ni PBA Legend, Purefoods Member, Bong Ravena.
“It’s amazing that some people recognize us. Pagdating namin dito may mga nakakarecognize pa rin sa amin because so much have changed from the last time kami na naglaro,” ayon kay PBA Legend, Alaska Member, Jojo Lastimosa.
“We all know that filipinos love basketball. So nasa heart talaga natin ang basketball. When it comes to mga pba legends na nakakasama namin, sila talaga ang nag-start ng basketball sa pilipinas, so syempre nami-miss ng mga nanay, tatay, pati ng mga anak ang mga laro ng mga pba legends,” pahayag ni PBA Legend, Alaska Member, Willie Miller.
At dahil sa hilig sa Basketball at sa tindi ng suporta, ito ang naibulalas ng isang PBA Legends Fan.
“Minsan kapag natatalo ang Ginebra ayokong makikitang matatalo eh. Hindi ako makatulog. Mahirap. Kapag alam kong malakas ang kalaban ng Ginebra hindi ko pinapanuod eh. Tinitingnan ko na lang paunti-unti eh. Kapag lamang nang kaunti ang Ginebra…Ayos pwede pa!” Ayon kay Ginebra fan, Toby Sanchez.
“Huwag naman, tulog ka pa rin para the next game, makapanood ka,” payo dito ni Bal David.
Tags: PBA, PBA Legends, UNTV Cup
