Muling dinalaw ni Vice President Leni Robredo ang tatlong bayan ng Eastern Samar, ang Hernani, Balangkayan at Salcedo upang i promote ang programa nitong angat-buhay sa mga mangingisda at magsasaka sa lugar.
Una nang pinuntahan ng pangalawang pangulo ang bayan ng Balangkayan kung saan nagturn-over ito ng tatlong multicab bilang tulong sa mga mahihirap na estudyante mula sa ibat-ibang interior barangay nito bilang school service ng mga ito.
Wala ring maayos na water system ang eskwelahan maging ang nasasakupan nitong barangay kaya namahagi ng water filtration ang grupo.
Pinuntahan din nito ang Hernani kung saan pinangunahan nito ang community dialogue for livelihood and tourism ng mga fisherfolk associations. Pinanguhan din nito ang inauguration sa bagong municipal building maging ng kanilang Rural Health Units.
