Hindi naman nasangkot sa pagpapatupad ng anti-drug war ng pamahalaan kaya wala ring significant na pagbabago at naimbag sa law enforcement operations si Vice President Leni Robredo nang maupong co-chair ng inter-agency committee on Anti-illegal Drugs o ICAD. Ito ang inihayag ni Philippine Drug Enforcement Agency (PDEA) Director-General Aaron Aquino sa Malakayang kaninang umaga, Huwebes, Dec. 12.
“She did not in any way supervise our people down there in the fields so I guess wala namang nabago o wala namang dapat glaring issues na makikita natin na talagang bumababa ang krimen o bumababa ang accomplishments natin sa drugs,” ani Aaron Aquino, Director-General, PDEA.
Tila nadismaya rin ang PDEA Chief dahil sa hindi muna hinarap ng Bise Presidente ang lahat ng clusters ng ICAD bago nakipagpulong sa mga opisyal ng United States Embassy sa Pilipinas at United Nations.
Aniya, mas mauunawaan sana ng Pangalawang Pangulo ang lawak ng suliranin ng bansa sa iligal na droga kung nakaharap muna nito ang apat na ICAD clusters: enforcement, advocacy, justice at rehabilitation and reintegration clusters. Ang enforcement cluster lang ang aniya ang na-meet ng Bise Presidente sa ilalim ng kaniyang pagiging ICAD co-chair.
“Should she meet the four clusters, mas magiging malaki yung kaniyang scope of knowledge kung ano ang drug situation ng pilipinas and maybe after meeting the 4 clusters, eh sana kung mayroon man siyang mai-implement na program or strategy to strengthen the ICAD, ‘di sana nagawa yun,” ayon pa kay Aaron Aquino, Director-General, PDEA.
Ayon naman sa kampo ni VP Robredo, hintayin na lang ang ilalabas na ulat at rekomendasyon ng Pangalawang Pangulo hinggil sa anti-drug campaign sa susunod na linggo.
Samantala, nabanggit din ng PDEA chief na nagsasagawa na ng pag-aaral ang Dangerous Drugs Board (DDB) sa kabuoang bilang ng mga drug pusher at user sa bansa.
Matatandaang unang naging direktiba ni VP Robredo nang maupo bilang anti-drug czar ang magkaroon ng baseline data ang gobyerno kaugnay ng illegal drug problem sa Pilipinas.
Inuumpisahan na ito ngayong taon at target na matapos sa 2020.
(Rosalie Coz)
Tags: Leni Robredo, pdea, PDEA Dir. Aaron Aquino, VP Robredo
METRO MANILA – Itinanggi ng Philippine Drug Enforcement Agency (PDEA) na nasa kanilang drug watchlist si Pangulong. Ferdinand Marcos Jr.
Kasunod ito ng talumpati ni dating Pangulong Rodrigo Duterte na umano’y nakita nya noon sa listahan drug personalities ng PDEA si PBBM.
Ayon kay PDEA Spokesperson Derick Carreon, hindi kailanman napasama ang pangulo sa kanilang drug watchlist.
Dagdag pa nito, simula noong i-activate ang kanilang National Drug Information System noong July 30, 2002 ay hindi lumutang ang pangalan ni Pang. Marcos Jr.
Sinabi pa nito na maging noong panahon ng administrasyong Duterte ay wala din umano ito sa tinatawag nilang Inter-Agency Drug Information database.
Tiniyak naman ng PDEA na kahit na nasa ilalim sila ng Office of the President, ipatutupad nila ang rule of law.
Tags: drug watchlist, PBBM, pdea
Tinalakay ng House Committee on Dangerous Drugs ang isang panukalang batas para sa agarang pagsira ng mga nakumpiskang iligal na droga.
Layon ng house bill number 7094 masolusyunan ang umanoy recycling o pagbebenta ulit ng mga nakumpiskang iligal na droga.
Sa ilalim ng panukalang batas, ang mga nakumpiska, isinuko, plant sources, at mga kemikal na ginagamit sa paggawa ng iligal na droga ay agad na sisisrain sa loob ng bente kwatro oras matapos mailabas ang certification ng forensic laboratory examination results.
Ngunit, sa gitna ng talakayan ng mga mambabatas at mga ahensya ng gobyerno naungkat ang isang reward scheme sa Philippine Drug Enforcement Agency.
Ayon kay PDEA Dir. Gen. Moro Virgilio Lazo, may mga informant umano na nagaalok ng tulong kapalit ng ilang porsyento ng makukumpiskang droga.
“Ang sistema Sir, I do not have to spend anything. They will do all the work but they asking 30 percent of the actual seizures as their payment. I outrightly told them, that as far as my administration is concerned we are only to give them the monetary value through our rewards system,” ayon kay Moro Virgilio Lazo, Director General, PDEA.
Sa ilalim ng rewards system ng PDEA, maaaring makakuha ang isang informant ng 2 milyong piso kapalit ng pagtulong nila sa anumang drug operation.
Iginiit din ni Director General Lazo na hindi sila sumasangayon sa sistemang droga ang ipinambabayad sa mga informant. Iniulat din ng opisyal na wala pang parusa na ibinibigay sa nag-alok na informant.
Ikinabahala naman ng mga mambabatas ang naging pahayag ng PDEA Chief.
Magsasagawa ng imbestigasyon ang komite upang kumpirmahin ang impormasyong inilahad ng pdea tungkol sa droga ang pabuya scheme.
Aileen Cerrudo | UNTV News
METRO MANILA – Inamin ni PDEA Director General Wilkins Villanueva na mayroong magkaibang version ang PDEA at PNP kaugnay sa nangyaring buybust operation na nauwi sa barilan sa pagitan ng QCPD DSOU at PDEA agents sa Commonwealth noong Miyerkules (Feb. 24).
Kaya naman ayon kay Villanueva, ito ang iniimbestigahan ngayon ng binuo nilang Board of Inquiry (BOI) na pinamumunuan ng PNP-CIDG.
“Pwede ba pagbigyan nyo muna ang Board of Inquiry to come up with the good and authentic investigation, kasi according sa PNP ito ang nangyari, according sa pdea ito ang nangyari, hindi naman namin pwedeng pagsabungin ang sarili natin, but both of them are doing their job” ani PDEA Dir. Gen. Wilkins Villanueva .
Sinabi din ni PNP Chief PGen. Debold Sinas na kinukuha pa nila ang mga ebidensya, gaya ng cctv footage at statement ng mga sangkot na pulis at PDEA agents.
“All the evidences, all the people concern sya nandoon po sa CIDG they are collating evidences and data, we will not preempt sa finding “ ani PNP Chief, PGen. Debold Sinas.
Nilinaw din ng PDEA na buybust operation ang ginawa ng kanilang mga tauhan taliwas sa mga lumabas sa balita na nag sell bust ang mga ito.
Gayunman, nangako ang 2 opisyal na mananagot ang mapatutunayang nagkamali sa nangyaring operasyon.
Pinasinungalingan din ng mga ito na may nawawalang P1.5-M na boodle money.
Ipinunto pa ng PDEA na posibleng mayroong sindikato na sa likod ng naturang shooting incident. 4 ang nasawi sa nangyaring misencounter, 2 mula sa PNP, 1PDEA agent at 1 informant ng PDEA. Habang 4 din ang sugatan, na kinabibilangan ng 1 pulis at 3 PDEA agents.
Sa kabila nang nangyari sinabi ng PNP at PDEA na buo pa rin at maayos ang kanilang relasyon at hindi daw ito makaaapekto sa War on drugs ng pamahalaan.
(Lea Ylagan | UNTV News)
