Nanguna pa rin sa Pulse Asia presidential survey si Vice President Jejomar Binay sa kabila ng kaliwa’t kanang alegasyon ng korapsyon na ipinupukol sa kanya at sa iba pang miyembro ng pamilya Binay.
Bukod sa napanatili nito ang no.1 spot sa survey, tumaas pa ng tatlong percentage points ang ratings ni Binay kung saan mula sa 26 percent noong Nobyembre 2014, tumaas ito sa 29 percent ngayong Marso 2015
Samantala, pasok na sa top 5 sa pagka-pangulo si Davao City Mayor Rodrigo Duterte na may 12 percent. Kapantay na nito si dating Pangulo at kasalukuyang alkalde ng Maynila na si Joseph Estrada na nasa ikatlong pwesto.
Samantala, nanatili pa rin sa ikalawang pwesto si Sen. Grace Poe na may 14 percent. Nasa ika-apat na pwesto naman si Sen. Miriam Defensor –Santiago na may 9 percent habang nasa ika-limang pwesto si Sen. Bongbong Marcos na may 6 percent.
Tags: Bongbong Marcos, Grace Poe, Joseph Estrada, Miriam Santiago, Pulse Asia survey, Rodrigo Duterte, VP Binay
METRO MANILA – Nananatiling ang inflation o ang antas ng bilis sa pagtaas ng presyo ng mga bilihin sa nangungunang isyu na dapat na maaksyunan ng pamahalaan batay sa latest Pulse Asia Survey.
Habang pumapangalawa naman ang dagdag na sahod ng mga manggagawa na sinundan ng paglikha ng trabaho.
Kasama rin sa urgent issues na dapat tugunan ang pagbawas sa kahirapan at paglaban sa korapsyon.
Isinagawa ang survey noong September 10 hanggang 14 sa 1,200 respondents.
Tags: inflation, Pulse Asia survey
Hindi papayagan ng mga pulis ang rally at kilos-protesta sa inagurasyon ng mga nanalong Presidente at Bise Presidente ng bansa.
“ It’s either we disperse them or we will arrest the organizers at tsaka yung mga namumuno dito dahil sigurado ko yung peace and order will be affected”, ani PMGEN. Val De Leon, Director, Directorate for Operations.
Ayon kay PNP Directorate for Operations Director PMGEN. Val De Leon, kailangan muna kumuha ng permit ng anumang grupo sa lokal na pamahalaan upang makapagsagawa ng pagtitipon. Maka-aapekto kasi sa mga motorista at sa publiko kung papayagan ang mga ito lalo na kung hindi naman sa mga freedom park gagawin.
“Kung itoy isang hindi bayolenteng assembly ay ating papayagan lalong lalo na kung itoy gaganapin sa mga freedom park area, but we are govern by the rules. Ang isang pagtitipon ay bawal kapag itoy walang kaukulang permit o pag ito’y hindi ginawa sa ating freedom parks”, dagdag ni PMGEN. Val De Leon
Payo naman ni PNP Officer In Charge PLTGEN. Vicente Danao Jr. sa mga pulis na magbabantay sa seguridad, pairalin ang maximum tolerance sa pagharap sa mga magpoprotesta.
“Well ang lagi ko naman sinasabi po ay let us always exercise maximum tolerance especially in dealing with those ralliers . Alam niyo everyone has his own right to express their own grievances. Karapatan po natin lahat ‘yan pero nakikiusap ako let us do it in a proper forum,“ ani PLTGEN. Vicente Danao Jr., PNP, OIC.
Pakiusap din ni Danao sa mga ito, gawin sa tamang lugar ang pagpapahayag ng kanilang saloobin.
“Kung yung area naman ay bawal lalong lalo na ‘yung canvassing area eh talagang bubuwagin kayo diyan. So I am asking for prudence and sobriety to all those ralliers to please calm down. Sabi ko nga, a majority of the filipino people have finally spoken. So let the mandate of those who won prove their worth. Bigyan natin sila ng pagkakaton na patunayan na sila yung nararapat na mamuno sa ating bansa,” dagdag ni PLTGEN. Vicente Danao Jr., PNP, OIC.
Nauna nang sinabi ni Presumptive Vice President Sara Duterte na nais nyang isagawa ng kanyang inagurasyon sa June 19, habang June 30 naman ang inagurasyon ni presumptive President Bongbong Marcos.
Lea Ylagan | UNTV News
Tags: Bongbong Marcos, PLTGEN. Vicente Danao Jr, PMGEN. Val De Leon
Puspusan na ang pangangampanya ng mga kandidato higit isang linggo bago ang eleksyon sa May 9, 2022.
Bukod sa ipinakikitang resulta ng iba’t ibang survey naniniwala ang isang political analyst na magiging mahigpit ang labanan sa pagitan nila presidential candidates Bongbong Marcos at Vice President Leni Robredo.
Ayon kay dr. Anbony Cuanico isang political analyst at Dean ng College of Arts and Sciences ng Eastern Samar State University, inaasahang magiging katulad ng 2016 elections ang labanan ngayon darating na halalan kung saan dikit ang puntos ng nila BBM at VP Robredo na kapwa tumakbong bise presidente.
“Ang tingin ko, magagaya ito sa 2016 presidential election. Kasi iyong magkabilang panig, nagca-claim sila na sila ang nananalo sa survey. Iyong isa naman sa google trends,” ani Dr. Anbony Cuanico, Political analyst, Dean College of Arts and Sciences, Eastern Samar State University.
Batay sa naglalabasang mga survey, nangunguna pa rin si Marcos habang pumapangalawa naman si VP Robredo.
Gayunman malaki ang itinaas ng puntos ni Robredo kumpara sa iba pang presidential candidates.
At dahil malapit nang matapos ang campaign period, mas pinaiigting pa ng mga kandidato ang kanilang campaign strategy upang makumbinsi ang mga botante na sila ang karapatdapat na iboto.
“Sa kandidatura ni Marcos, nagpapakita na siya ngayon, nagpapainterview narin. Sa kandidatura naman po ni Leni Robredo, patuloy pa nilang tinataas iyong kanilang campaign strategy kung saan ginagawa nila iyong house to house na pangangampanya upang makahakot pa ng mga botante, lalo na ang mga undecided pa o wala pang napipiling kandidato,” dagdag ni Dr. Anbony Cuanico.
Para kay Professor Cuanico, makakatulong ang presidential at vice presidential forum na isasagawa ng commission on elections na maaring makapagpabago sa kanilang desisyon
Dagdag pa ng political analyst, hindi rin dapat pagbasehan ang mga survey sa kung sino ang talagang mananalo sa eleksyon dahil pawang mga projection lamang ang mga ito.
Aileen Cerrudo | UNTV News
Tags: Bongbong Marcos, Jr. VP Leni Robredo, May 9 2022 Election
