Pansamantalang naantala ang paghuhukay ng mga tauhan ng isang construction firm sa ginagawang subdivision sa barangay San Roque, Antipolo City noong Biyernes, ito’y matapos may madiskubreng vintage bomb sa isang bahagi ng lupain.
Kwento ng backhoe operator na si Mang Rufino, dakong alas otso ng umaga ng may matamaan siyang isang matigas na bagay habang naghuhukay.
Ayon kay Cainta Police Chief Superintendent Amisolo Rosero, isang arial bomb na may timbang na isang tonelada ang nahukay sa area. Aktibo pa ito at may blast radius na tatlong daang metro na may kakayahang makapagpaguho ng isang gusali.
Nagpaalala naman ang otoridad na ipagbigay alam kaagad sa kanila ang mga ganitong insidente.
Pansamantalang inilagak ang bomba sa Provincial Public Safety Company sa San Mateo, Rizal at nakatakdang dalhin sa Capas, Tarlac upang idispose.
( Jennica Cruz / UNTV Correspondent )
Tags: Antipolo City, Tarlac, vintage bomb
Tinurn over ni Emeliano Adol, isang mangingisda ang mga natagpuan nitong sampung iba’t ibang uri ng vintage bomb sa Sitio Punod, Barangay Tinago, San Isidro, Leyte noong Lunes.
Ayon sa chief of operation ng Leyte Police Provincial Office, may 75, 81, at 105 mm projectile mortar na highly explosive ang mga narerecover ng mga residente malapit sa baybayin ng San Isidro, Leyte.
Dagdag pa ni Collado, ang sampung vintage bomb na na-iturn over sa kanila ay masasabing active dahil intact pa ang mga bahagi nito kaya’t may posibilidad pa itong sumabog.
May lumubog umanong sasakyang pandagat ng mga hapon noong world war 2 kaya maraming vintage bomb na lumulutang nalang sa baybayin ng San Isidro, Leyte.
Paalala naman ng mga otoridad na kapag mayroon pang makitang mga ganitong bomba ay huwag gagalawin at ipagbigay-alam agad sa pinakamalapit na police station para sa proper disposal ng mga ito.
Sa ngayon ay nasa kostodiya na ng PNP Regional Office EOD ang mga na-iturn over na vintage bomb.
( Archyl Egano / UNTV Correspondent )
Tags: LEYTE, PNP, vintage bomb
Sabay-sabay na nanumpa ang mga bagong halal na barangay officials sa Tarlac noong Lunes.
Panauhin sa okasyon si Special Assistant to the President Christopher Bong Go.
Sa kaniyang talumpati, hiniling ni Go ang suporta ng mga opisyal sa kampanya ng pamalaan laban sa iligal na droga, krimen at kurapsyon.
Malaki aniya ang papel na ginagampanan na mga opisyal ng barangay lalo na pagdating sa peace and order situation at drug campaign.
Positibo naman ang tugon ng mga bagong halal na opisyal sa mga programang ito ng pamahalaan.
Nagbabala naman si Go sa mga barangay opisyal na sangkot sa iligal na droga.
Tags: barangay official, iligal na droga, Tarlac
Inilunsad ng Armed Forces of the Philippines Northern Luzon Command katuwang ang Agricultural Training Institute o ATI, Department of Agriculture, local government units, at mga stake holders ang programang “Sundalo na, magsasaka pa!” sa Camp Servillano Aquino sa Tarlac City.
Ito ay extension project ng Norther Luzon Command para sa mga sundalo at kanilang pamilya.
Layunin nitong maihanda ang AFP members na malapit nang magretiro sa serbisyo sa kanilang buhay bilang sibilyan.
Sa ilalim ng programa, tuturuan sila ng tamang paraan ng organic farming, goat raising at mga kaalaman sa climate change mitigation and adoptation.
Ikinatuwa naman ng mga sundalo ang programa. Anila, kung maganda ang kalalabasan nito ay maaring ito na ang kanilang pagtutuunan ng pansin paglabas nila ng kampo.
Limang pung sundalo ang initial na sasabak sa programa kung saan imomonitor sila sa ilalim ng programa sa loob ng 2 taon.
( Bryan Lacanlale / UNTV Correspondent )
