Ipapabauya ng Malakanyang sa Korte Suprema ang desisyon kung kinakailangang ipagpaliban ang holiday break o bakasyon ngayong Disyembre upang mabigyang daan ang posibleng pag-aakyat ng disqualification case ni Senator Grace Poe sa kataas taasang hukuman.
“It’s really up to the Supreme Court to recognize if a petition filed before them, we will leave it with how the Supreme court will decide on that.” Pahayag ni Presidential Spokesperson Sec. Edwin Lacierda.
Reaksyon ito ng Malakanyang sa pahayag ni Senate President Franklin Drilon na dapat matutukan at madesisyunan agad ang disqualification case ni Poe sa Korte Suprema.
Dahil sa makaka-apekto ito sa ginagawang preparasyon ng Comelec sa darating na halalan partikular na ang paghahanda sa mga balota.
Maging si Presidential Spokesman Edwin Lacierda ay naniniwalang dapat maresolba agad ang kaso sa lalong madaling panahon .
Sa huling linggo ng Enero o Pebrero ay magsisimula na ang printing ng balota para sa halalan sa susunod na taon.
Una nang sinabi ni Comelec Spokesperson James Jimenez, na habang wala pang pinal na desisyon sa disqualification case ni Poe ay ilalagay pa rin ang kaniyang pangalan sa balota. (Nel Maribojoc/UNTV News)
Tags: disqualification case, Presidential Spokesperson Sec. Edwin Lacierda, Senate President Franklin Drilon
METRO MANILA, Philippines – Nahaharap sa isang disqualification case si Senator Aquilino “Koko” Pimentel III kaugnay ng pagtakbo nito sa 2019 senatorial elections. Naghain ngayong araw ng petisyon sa Comelec si Attorney Ferdinand Topacio upang ipakansela ang certificate of candidacy nito.
Katwiran ni Topacio, nakakadalawang termino na bilang senador si Pimentel mula 2007 hanggang 2013 at mula 2013 hanggang 2019 kaya’t lalabas na ikatlong termino na nito sakaling payagan itong tumakbo at muling manalong senador sa 2019 elections.
“Hindi siya eligible dahil lumalabag na siya sa two consecutive term limit ng saligang batas,” ani Attorney Topacio.
Paliwanag pa nito na noong taong 2011, kinatigan ng Senate Electoral Tribunal (SET) ang election protest ni Senator Pimentel na siya ang nanalo noong 2007 elections. Kaya’t pinayagan ng SET na tapusin ni Senator Pimentel ang nalalabing dalawang taon sa termino ni Zubiri.
Ayon kay Topacio, hindi man naumpisahan ni Senator Pimentel ang termino ngunit siya pa rin ang tumapos nito. Sakali naman aniyang hindi katigan ng Comelec ang kanyang petisyon, iaakyat niya ito sa Korte Suprema.
Ayon naman kay Senator Pimentel, nakahanda silang sagutin ang petisyon ni Topacio. Kumpiyansa rin ang senador na isa itong nuisance petition na maaaring i-dismiss agad ng Comelec.
Samantala, pag-aaralan pa ng Comelec Legal Department ang naturang petisyon. Magkakaroon din muna ng pagdinig dito bago magdesisyon ang Comelec en banc.
Tags: COMELEC, disqualification case, ferdinand topacio, Koko Pimentel, sen. aquilino koko pimn
Dapat na may iisang posisyon ang pamahalaan upang maging epektibo ang Anti Money Laundering Law.
Ayon kay Senate President Franklin Drilon, nakahanda ang Senado na amyendahan ang kasalukuyang AMLA Law.
Sinabi ni Drilon na kinapos na ng panahon noon ang Senado upang makumpletoang pagaamyenda sa AMLA dahil sa deadline ng financial action task force noong 2013.
May solusyon namang nakikita ang Chairman ng Committee on Banks Financial Institutions and Currencies na si Senador Serge Osmeña sa kaso ng money laundering sa bansa.
(Bryan de Paz/UNTV NEWS)
Tags: Anti Money Laundering Law, Senate President Franklin Drilon
Nitong myerkules naharang ang nominasyon at confirmation ng dalawang commissioners at limang bagong ambassador nang pigilin ito ni Minority Leader Juan Ponce Enrile sa pamamagitan ng Section 20 ng rules ng Commision on Appointments
Nakasaad sa Section 20, kailangang aaprubahan ng chairman ang mosyon ng isang miyembro ng C-A na sumususpinde sa kumpirmasyon ng isang government o career officials.
Paniwala ni Senate President Franklin Drilon, Chairman ng Commission on Appointments, hindi dapat magamit ang Section 20 rules ng walang kadahilanan.
Kaya naman inatasan na ni Drilon ang C-A Secretary na pag-aralang mabuti o rebyuhinang Section 20 kung maaring amyendahan.
Ayon naman sa Malacanang, sana ay hindi mahaluan ng pulitika ang paggamit sa Section 20 ng komisyon
Naniniwala si Senador Drilon na wala namang kwestyon sa nasabing bagong talagang opisyal ng pamahalaan dahil kwalipikado ang mga ito.
(Bryan de Paz/UNTV News)
Tags: Chairman ng Commission on Appointments, Minority Leader Juan Ponce Enrile, Section 20, Senate President Franklin Drilon
