Surveyor na lamang mula sa Vietnam ang hinihintay ng Philippine Coast Guard sa Legazpi City, Albay upang magsagawa ng underwater hull inspection hinggil sa sumadsad na MV Ocean 03 sa Albay Gulf nitong nakaraang Martes.
Alas-siete ng umaga ng Martes habang paapaalis na sa Legazpi City Port ang Vietnamese Vessel matapos na maghatid na bigas ay sumadsad ito sa Denson Reef na sakop ng Albay Gulf.
Ang MV Ocean 03 ay pagmamay-ari ng Hoang Anh Shipping Joint Stock Company na may lulan na 21 Vietnamese Nationals.
Ayon sa Philippine Coast Guard Legazpi City hindi muna nila pinapayagang makaalis ang Vietnemese Vessel hangga’t hindi natatapos ang kanilang imbestigasyon hinggil sa nangyari
Bukas darating ang isang panibagong sasakyan mula sa Vietnam na magsasagawa ng underwater hull inspection upang malaman ang laki ng pinsalang idinulot ng pagsadsad ng MV Ocean 03 sa Denson Reef.
Tags: Hoang Anh Shipping Joint Stock Company, MV Ocean 03, Philippine Coast Guard
Patuloy ang ginagawang imbestigasyon ng Philippine Coast Guard sa Negros Occidental dahil sa insidente ng pagtaob ng 2 bangka sa lungsod ng Sagay at San Carlos nitong linggo (March 20) dahil sa malakas na alon.
Ayon sa Disaster Risk Reduction and Mnagement Office , walang nasawi sa 55 na pasahero, 45 sa mga ito ay mula sa Sagay na miyembro ng Brotherhood Riders Club at ang 10 ay mula sa San Carlos City na agad naman nabigyan ng medikal na atensyon.
“Walang nasawi o malubhang pinsala ngunit bahagi ito ng pamamaraan na lahat ay dapat na sumailalim sa medikal na pagsusuri, “ani Commander Joe Luviz Mercurio, head ng Coast Guard Station-Northern Negros Occidental.
Batay sa inisyal na impormasyon, napagaalaman ng Coast Guard na ang ilang mga bangka ay mga iligal na naghahatid ng mga pasahero at ang mga operator na walang dokumento o awtorisasyon.
(Zy Cabiles | La Verdad Correspondent)
Tags: Philippine Coast Guard
METRO MANILA, Philippines – Itinalaga ni Pangulong Rodrigo Duterte bilang susunod na commandant ng Philippine Coast Guard (PCG) si Vice Admiral Joel Garcia.
Ayon kay Presidential Spokesperson at Chief Presidential Legal Counsel Salvador Panelo, nilagdaan ng Punong Ehekutibo ang appointment paper ni Garcia Kahapon (October 22), at pormal nitong papalitan sa pwesto si Admiral Elson Hermogino sa Huwebes. Si Garcia ang kasalukuyang Deputy Commandant For Administration ng coast guard.
Tiwala naman ang palasyo sa kakayahan ni Garcia na pamunuan ang PCG dahil sa lawak ng kaalaman at karanasan nito gayundin ang kaniyang integridad bilang opisyal ng organisasyon. Si garcia ang magsisilbing pang 28th commandant ng Philippine Coast Guard.
(Rosalie Coz | UNTV News)
Tags: Philippine Coast Guard
Nakapagtala na agad ng dalawang aksidente sa dagat sa paligid ng Boracay Island mula ng pumasok na ang tag-ulan.
Noong nakaraang linggo ay isang pampasaherong bangka na padaong na sana sa isla ang lumubog dahil sa lakas ng alon.
At nito namang Martes ay isang 48 anyos na ginang ang nalunod matapos hamapsin ng malalaking alon ang bangkang sinasakyan nito patungong hambil sa San Jose Romblon.
Kaya naman muling pinaalalahanan ng Philippine coast guard ang mga may-ari ng bangka, mangingisda at mga pasahero na huwag ng bumiyahe kapag masungit ang panahon.
Binigyang-diin rin ng coast guard na obligadong magsuot ng lifejacket ang mga pasahero ng bangka.
Samantala, dahil sa sama ng panahon, pansamantalang inilipat sa Tabon Port mula sa Caticlan Port ang daungan ng mga sasakyang pandagat.
Ang mga pasahero naman sa Cagban, Boracay ay sa Tambisan Port muna pansamantala sasakay.
Sinabi pa ng coast guard na dapat manatiling nakabantay sa mga balita ang publiko tuwing may masungit na panahon.
( Vincent Octavio / UNTV Correspondent )
Tags: Boracay, life jacket, Philippine Coast Guard
