Disyembre pa noong nakaraang taon nang maubos ang suplay ng NFA rice sa Baguio City. Kaya naman sa unang araw ng muling pagbebenta nito kahapon sa Baguio City Public Market ay pinilahan ito ng mga mamimili na ilang buwan nang naghihintay na magkaroon ng murang bigas sa merkado.
Isang oras at kalahati pa lamang ang lumipas, naubos na ang 30 kaban ng NFA rice na target maibenta sana sa buong araw.
Ang sistema, dapat may dalang sariling lalagyan ang mga bibili. Bibigyan ng number stub at hanggang limang kilo lang ang kanilang maaaring bilhin na NFA rice bawat araw.
Mahigpit na binabantayan ang mga bumibili upang hindi makaulit ang mga ito at lahat ay makapag-avail ng murang bigas.
Mabibili ng 27 piso kada kilo ang NFA rice, ngunit ayon sa mga mamimili, halos kapareho na rin ito ng kalidad ng mga commercial rice.
Tiniyak naman ng pamunuan ng National Food Authority (NFA) sa Baguio City na hindi na mauubusan ng supply ng NFA rice sa syudad dahil regular ang schedule ng pagdating nito mula sa National Office.
Samantala, sa kabila ng pagdating ng NFA rice sa mga merkado sa syudad, hindi pa rin bumababa ang presyo ng commercial rice na nasa 40 hanggang 50 piso kada kilo.
( Grace Doctolero / UNTV Correspondent )
Tags: Baguio City, NFA, suplay
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – Nagsimula ng bumili ng palay sa local farmers sa bagong nitong ‘buying price’ ang National Food Authority (NFA).
Ayon kay NFA Administrator Roderico Bioco, ang bagong presyo ng dry palay na binibili ng NFA sa ngayon ay nasa P23.00 kada kilo habang sa wet palay naman ay P19.00 kada kilo.
Dagdag ng opisyal, magiging agresibo na ang ahensya sa pagbili ng palay sa buong bansa matapos itakda ang bagong equivalent net weight factor table na siyang tumutugma sa council para sa pricing scheme batay sa purity, moisture content , damaged at discolored parameters nito.
Ang dating presyo ng dry palay ay nasa P19.00 lang kada kilo at sa wet palay naman, nasa P16.00 kada kilo ang pinakamataas na presyo.
Mayroong 267 NFA buying stations na sa kasalukuyan ang agresibong nang bumibili ng palay sa local farmers sa buong bansa.
Tags: NFA
Muling maghihigpit ang Baguio City Local Government sa pagsusuot ng face mask bunsod ng tumataas na kaso ng COVID-19 sa lungsod.
Ayon kay Baguio City Mayor Benjamin Magalong, ipatutupad ang face mask mandate sa indoor setting at sa outdoor na matataong lugar.
Naniniwala ang opisyal na epekto ng Arcturus Variant ang mabilis na pagtaas ng COVID-19 cases sa lungsod.
Sa huli tala ng Baguio City LGU, mayroon nang 46,363 COVID-19 cases sa lungsod, kabilang rito ang 68 active cases, 45,390 recoveries at 905 deaths.
Muling nanawagan si Magalong sa mga residente na kumpletuhin ang kanilang bakuna kontra COVID-19 at iwasan na rin muna ang handshakes.
Tags: Baguio City, Covid-19
