Sinalakay ng mga nakamotorsiklong lalaki ang isang television station sa Pakistan.
Sa cctv footage makikita ang dalawang lalake na nakasakay ng motorisiklo na tumigil sa sa tapat ng Ary News na nakabase sa Islamabad.
Ngunit makalipas lamang ang ilang minuto ay naghagis na ng granada sa harapan ng gusali.
Tinaman ng shrapnel ng granda sa ulo ang isang editor ng tv station na kaagad na dinala sa ospital.
Ayon sa ulat ng Ary nagiwan ng kalatas ang mga suspek na nagsasabing miyembro sila ng islamic state.
Noong Disyembre nang nakaraang taon inatake rin ng mga nagpapakilalang miyembro ng ISIS ang din news sa Lahore na ikinasugat ng apat na tao.
Tags: 1 sugatan, granada, ISIS, Pakistan, Tv station
Ipinagutos ng kataas-taasang hukuman sa syudad ng Peshawar sa Pakistan na muling i-ban ng Pakistan Telecom Authority (PTA) ang social media application na TikTok sa buong bansa matapos itong makatanggap ng ilang reklamo na umano’y immoral at hindi angkop na mga content sa relihiyong Islam.
Matapos na magsagawa ng pagdulog ang Peshawar High Court sa pangunguna ni Chief Justice Qaiser Rashid Khan at matapos ang diskusyon ukol dito, inilarawan ng Chief Justice ang Tiktok na “hindi katanggap-tanggap” sa pamayanang Pakistani.
Susundin naman ng PTA ang nasabing court order sa pagbabawal ng TikTok sa buong bansa ayon sa tapagsalita nito na si Khurram Mehran.
Ayon naman sa pangasiwaan ng TikTok, may mga “guidelines” umano ang app na nagpi-filter at nagmo-monitor sa mga video content nito.
Ito na ang pangalawang beses na ma-ban ang nasabing social media app sa bansa.
Nitong October ng nakaraang taon, na-ban din ng PTA ang TikTok dahil sa parehong dahilan pero makalipas ang sampung araw ay tinanggal naman agad ng PTA ito at siniguro ng management ng Tiktok na i-block ang mga mga account na mapapatunayang may mga malalaswa at imoral na mga content.
Sa ngayon ay nakaban na rin sa bansang India at sa Estados Unidos ang TikTok.
(Syrix Remanes | La Verdad Correspondent)
Sa tulong ng impormasyon na ipinadala sa mga otoridad sa Pilipinas, naaresto ng mga tauhan ng Armed Forces of the Philippines at Philippine National Police ang Egyptian national na si Fehmi Lassqued alyas John Rasheed Lassqued sa kaniyang tinutuluyang Casa Blanca Apartment sa may Adriatico St., Malate, Manila noong Sabado.
Batay sa intelligence report na ibinigay ng foreign counterparts ng PNP at AFP, isang lider ng Islamic State o ISIS ang pumasok sa Pilipinas mula sa Iran noong July 2016 gamit ang pekeng passport.
Bihasa umano ang dayuhan sa paggawa ng bomba kayat itinuturing na malaking banta sa seguridad ng bansa. Nakuha sa suspek ang baril, mga bala at iba’t-ibang gamit sa paggawa ng bomba. Kasama inaresto ng mga otoridad ang girlfriend ni Lassqued na si Anabelle Salipada na tubong Upi, Maguindanao.
Ayon sa hepe ng Metro Manila police na si Police Director Oscar Albayalde, pinapasok ng mga miyembro ng ISIS ang mga bansa na may mga kaguluhan upang makapag-recruit.
Inaalam pa sa ngayon ng mga otoridad kung may narecruit na si Lassqued para sumali sa ISIS terrorist group.
( Lea Ylagan / UNTV Correspondent )
Ang Malaysian terrorist at bomb maker na si Amin Baco ang sinasabing pumalit kay Isnilon Hapilon bilang emir ng ISIS sa Southeast Asia ayon sa Philippine National Police. Batay ito sa salaysay ng nahuling Indonesian terrorist na si Muhammad Ilham Syahputra.
Ngunit ayon sa Armed Forces of the Philippines, wala nang kinikilalang lider kung meron mang natitira pang miyembro ang Maute sa Marawi City.
Sa inilabas na pahayag ni AFP Spokesperson MGen. Restituto Padilla, naniniwala silang isa si Baco sa napaslang ng militar sa mga nakaraang bakbakan sa Marawi. Kasama ang bangkay ni Baco sa hinahanap ng militar.
Sinabi pa ni Padilla na tinitiyak ng pamunuan ng AFP na gagawin lahat ng militar ang kanilang makakaya upang mabilis na maibalik sa normal ang sitwasyon sa Marawi.
( Macky Libradilla / UNTV Correspondent )
