Ipinagutos ng kataas-taasang hukuman sa syudad ng Peshawar sa Pakistan na muling i-ban ng Pakistan Telecom Authority (PTA) ang social media application na TikTok sa buong bansa matapos itong makatanggap ng ilang reklamo na umano’y immoral at hindi angkop na mga content sa relihiyong Islam.
Matapos na magsagawa ng pagdulog ang Peshawar High Court sa pangunguna ni Chief Justice Qaiser Rashid Khan at matapos ang diskusyon ukol dito, inilarawan ng Chief Justice ang Tiktok na “hindi katanggap-tanggap” sa pamayanang Pakistani.
Susundin naman ng PTA ang nasabing court order sa pagbabawal ng TikTok sa buong bansa ayon sa tapagsalita nito na si Khurram Mehran.
Ayon naman sa pangasiwaan ng TikTok, may mga “guidelines” umano ang app na nagpi-filter at nagmo-monitor sa mga video content nito.
Ito na ang pangalawang beses na ma-ban ang nasabing social media app sa bansa.
Nitong October ng nakaraang taon, na-ban din ng PTA ang TikTok dahil sa parehong dahilan pero makalipas ang sampung araw ay tinanggal naman agad ng PTA ito at siniguro ng management ng Tiktok na i-block ang mga mga account na mapapatunayang may mga malalaswa at imoral na mga content.
Sa ngayon ay nakaban na rin sa bansang India at sa Estados Unidos ang TikTok.
(Syrix Remanes | La Verdad Correspondent)
METRO MANILA – Pinabulaanan ng Department of Social Welfare and Development (DSWD) ang kumakalat na video sa Tiktok kung saan nagbibigay umano ang kagawaran ng educational assistance sa mga ma-gaaral buong bansa.
Pinapayuhan ng kagawaran ang publiko na huwag magpapaloko sa naturang post.
Nilinaw din ng DSWD na hindi sila nanghihingi ng personal information online para sa aplikasyon ng educational assistance dahil labag ito sa data privacy act.
Hinihikayat ang lahat na i-report ang account na Philipine Go Today sa Tiktok na siyang nagpapakalat ng maling impormasyon tungkol sa programa at serbisyo ng kagawaran pati na rin ng ibang ahensiya.
METRO MANILA – Mula sa text messages na naglalaman ng napanalunan sa isang raffle hanggang sa pag-aalok ng trabaho na may malaking sweldo, nag level up na ang mga scammer upang makapangloko.
Ngayon naman, link ng Tiktok video na may caption na, “Kung ikaw ba ang nasa video”?
Ayon kay PNP Spokesperson PCol. Jean Fajardo, huwag magtatangkang i- click ang mga nasabing link mula sa mga hindi naman kakilalang sender dahil isa itong scam .
Maha-hack aniya ang inyong social media account hanggang sa magamit ito sa panghihingi ng pera sa inyong mga kakilala.
Malaki rin ang panganib na mabuksan nito maging ang inyong mga Gcash account.
Sa ngayon ay iniimbestigahan na ng PNP-Anti Cybercrime Group (PNP-ACG) ang naturang Tiktok link.
Bunsod ng patuloy na pamamayagpag ng mga scammer sa social media, pinalawak na din ng PNP ang kanilang cyber patrolling.
Base sa tala ng PNP-ACG nakapagtala na sila ng 118 reklamo ng scam sa social media sa loob lamang ng 3 buwan.
(Lea Ylagan | UNTV News)
An explosion near the Punjab provincial assembly in the Pakistani City of Lahore killed at least 13 people and wounded 83 others on Monday.
A police inspector general in Punjab province said five police officers were among the fatalities when an explosion rocked a protest organised by Pakistan’s chemists and pharmaceutical manufacturers.
Authorities say it was a suicide attack and that the bomber exploded himself when successful negotiations were underway between police officials and the protesters.
A faction of the Pakistani Taliban claimed responsibility of the attack.
