Dahil sa patuloy na pag-aalburoto ng Bulkang Mayon, apektado na ang turismo sa lalawigan ng Albay.
Ayon sa datos ng Department of Tourism Region 5, as of January 13-24 ay mayroong 280 local tourists, 11 Australians, 21 Americans, 5 Germans, 12 Swiss, 2 Chinese, 4 Indians, 2 Indonesians at 5 na iba pang hindi matukoy na nationalities na namamalagi sa mga hotel sa Albay.
Mas kakaunti umano ito kaysa sa mga nakaraang panahon na tumataas ang aktibidad ng Mayon dahil dumadagsa rin ang mga turista na nais makakita ng natural phenomenon.
Ayon pa sa DOT, malaki rin ang epekto ng pagkakansela ng mga byahe ng mga airline company sa pagpasok ng mga negosyante at turista sa lalawigan.
Ang mga pamilyang nakita sa Cagsawa Ruins ang nagsabi na sinasamantala nila ang pagkakataon upang makunan ng litrato ang Mayon.
Samantala, apektado rin ang mga negosyo dahil sa aktibidad ng bulkan, ang sales ng ilang tindahan tulad na lamang ng souvenir shops, malaki na ang ibinaba.
Sa kasalukuyan ay pansamantalang sarado pa rin ang Legazpi Airport dahil sa sitwasyon at aktibidad ng Mayon ngunit hinihikayat pa rin ng DOT ang mga lokal at banyagang turista na bumisita sa ilang tourists spots sa Bicol region tulad ng donsol para sa mga butanding, Cagsawa Ruins at mga beach sa Calaguas.
( Allan Manansala / UNTV Correspondent )
Tags: Albay, Bulkang Mayon, turismo
METRO MANILA – Pinag-aaralang mabuti ng Office of Civil Defense (OCD) ang posibleng pagbabawal nang permanente sa paninirahan sa loob ng 6 kilometer permanent danger zone ng bulkang Mayon.
Ayon sa ahensya, mapanganib na umano sa mga residente ang bumalik pa sa kanilang tahanan dahil sa madalas na pag-aalboroto ng bulkan.
Pero kailangan pa itong pag-usapang mabuti dahil marami ang dapat isinasaalang-alang gaya ng kabuhayan ng mga residente lalo na’t karamihan sa kanila ay pagsasaka ang ikinabubuhay.
Sa ngayon ay sapat umano ang pondo para sa 90 araw o 3 buwan.
Nasa P1.3-B ang inilaan ng pamahalaan para sa pagkain, hygiene kit at iba pang pangangailangan ng mga nilikas na residente.
Pangamba ngayon ng OCD kung aakyat pa sa Alert level 4 o mas mataas pang alerto ang bulkan ay dodoble ang kailangang ilikas dahil lalaki ang sakop ng danger zone.
At dahil panahon na ng tag-ulan malaking banta rin kung sasabayan ng pagbaha ang pag-aalboroto ng bulkan.
Tags: Bulkang Mayon, danger zone, OCD
METRO MANILA – Tiniyak ni Pangulong Ferdinand Marcos Jr. na may sapat na pondo ang pamahalaan upang tugunan ang pangangailangan ng mga pamilyang apektado sa patuloy na aktibidad ng bulkang Mayon.
Ayon sa pangulo, walang problema sa budget ngunit dapat rin aniyang tingnan ang iba pang tulong na maaaring ibigay sa mga residenteng lumikas mula sa paligid ng Mayon.
“In terms ng actual na gastos alam ko may budget tayo ang sinasabi ko ang instruction ko sa kanila pag-aralan nilang mabuti hindi basta bigay kayo ng bigay ng pera kailangan tingnan niyo kung ano ang problema para maayos natin ung may problema sila.” ani Pang. Ferdinand Marcos Jr.
Ayon kay PBBM, dapat ring pagtuunan ng pansin ang kalagayan ng mga batang hindi nakapag-aaral at maging ang kalagayan ng kanilang magulang.
Tags: Bulkang Mayon, Ecvacuees, evacuees, PBBM
Ipinaliwanag ng Philippine Institute of Volcanology and Seismology (PHIVOLCS) na ang nakitang tila puting guhit sa dalisdis ng Bulkan Mayon sa Albay ay mga volcanic deposits sa naghalo sa tubig ulan kaya’t umagos ito sa paanan ng bundok.
Gayun man, nagpaalala pa rin ang Office of Civil Defense 5 sa local government unit ng mga bayang nasa paligid ng bulkan na maging alerto sa mga posibleng mangyari kung patuloy na magkakaroon ng pagaagus ng maraming tubig sa Mayon.
Patuloy din ang koordinasyon ng ahensya sa PHIVOLCS maging sa Albay Public Safety and Emergency Management Office hinggil sa kalagayan ng bulkan ngayong patuloy itong kinakikitaan ng aktibidad.
Nananatili pa rin sa ngayon sa alert level 1 ang Mt. Mayon.
