Bahagyang tumila ang ulan kanina kaya tuloy ang pagsasaayos ng drainage system at paglalatag ng linya ng PLDT ng Quezon city government sa Eliptical road na sinimulan noong nakaraang linggo.
Kaakibat na ng mga road reblocking ang mabigat na daloy ng mga sasakyan lalo na kapag rush hour, kaya naman ito ang pinaghandaan ng city government.
Ayon kay General Elmo Sandiego hepe ng Department of Public Order and Safety, nasa isang daang tauhan ang araw araw na tutulong sa pagsasaayos sa daloy ng mga sasakyan habang ginagawa ang proyekto.
Lahat ng mga sasakyang manggagaling sa East ave., Kalayaan ave., Commonwealth ave., at Visayas ave. papuntang Quezon ave. ay maaring dumaan sa North ave. at kumaliwa sa Agham road.
Sa mga manggagaling naman ng North ave. papuntang Quezon Memorial Circle kumanan sa Agham road/BIR road patungo sa destinasyon.
Sa lahat naman ng motorista na dadaan sa Eliptical road disiplina ang apela ni san diego upang mas maging maayos ang trapiko sa lugar.(Benedict Galazan/UNTV Correspondent)
Tinitiyak ng pamunuan ng Quezon City na may sapat na silid- aralan sa lungsod para sa mahigit 400,000 mag-aaral na inasahang dadagsa ngayong pasukan sa iba’t ibang pampublikong paaralan sa syudad sa unang araw ng klase sa ika-13 ng Hunyo.
Ito ay dahil sa 1.3 bilyon pesos na pondong inilaan ng pamahalaang lungsod para sa pangangailangang pang-edukasyon tulad ng pagbili ng lupang pagtatayuan ng mga bagong eskwelahan at pagpapatayo ng dagdag na mga klasrum para sa senior high school.
Sa kasalukuyan ay mayroon 96 public elementary at 46 high school na klasrum na nakahanda para sa 433,612 na estudyante ngayong pasukan at nakapagpatayo na rin ng walong school building sa ilang public high school na may kabuuang 128 silid aralan na gagamitin ng mga mag-aaral na papasok sa senior high school.
Tags: Quezon City, Quezon city government, Sapat na classroom
Mahabang pila, ganito ang lagi nang eksena tuwing huling araw na ng pagbabayad ng buwis.
Kaya naman upang maiwasan na ito binuksan na sa Quezon City hall ang e-bayad system.
Sa pamamagitan nito, ginawa nang electornic ang pagbabayad ng real property tax, business tax at iba pang transaksyon gamit ang cellphone, credit at debit cards at internet.
Katuwang ng lokal na pamahalaan ang United States Agency For International Development o USAID, ilang banko at maging ang mga telecommunications company.
Plano na rin ngayon ng QC government gawing electronic ang payment at processing ng birth certificate, NBI clearance, marriage contracte at iba.
Positibo naman ang reaksyon ng ilang tax payer dahil mas maraming oras ang kanilang matitipid sa ganitong sistema.
Para sa detalye maaaring magtungo sa Quezon City hall o di kaya ay bisitahin ang facebook page ng Quezon City government.
Ang e-bayad ay nakatakdang ipatupad sa iba’t ibang lungsod sa bansa.
(Grace Casin / UNTV Correspondent)
Tags: Pagbabayad ng buwis at iba pang transaksyon, Quezon city government
