METRO MANILA – Nasaksihan sa Pilipinas at sa iba’t ibang bansa ang Total Lunar Eclipse kahapon (November 8).
Sa Pilipinas, kahit na may lugar na makulimlim ay nagkaroon parin ng pagkakataon ang mga Pinoy na makita ito.
Tinatawag din itong Blood Moon dahil sa medyo mamula-mula ito na dulot ng repleksyon ng atmosphere.
Nagkakaroon ng Lunar Eclipse kapag ang mundo ay naka-align sa pagitan ng araw at buwan.
Sa ganitong posisyon ay tumatakip ang anino ng mundo sa buwan.
Bukod sa Pilipinas ay nakita rin itong Lunar Eclipse sa ibang bansa sa Asia, Australia, North at South America at Europa.
Ayon sa PAGASA, walang epekto sa mga nabubuhay sa mundo ang Lunar Eclipse liban na lamang sa pagtaas ng lebel ng tubig sa dagat dahil sa gravity na resulta ng mas malapit na distansya ng buwan sa mundo.
“Ang total Lunar Eclipse, normally pagka ganyang Total Lunar Eclipse it’s more on tides. So doon lamang ang epekto. Now, with regards to the behavior of the person sa environment or sa lives of person on earth walang scientific study na nakapagpapatunay na mayroon itong kinalaman” ani DOST-PAGASA Senior Weather Specialist, Mario Raymundo.
(Rey Pelayo | UNTV News)
Tags: Moon, PAGASA, Total Lunar Eclipse
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
