Muling nag-enjoy ang mga taga-suporta ng baguhang trio na The Voysing sa kanilang mga inawit sa ikatlong anibersaryo sa San Juan gym Taytay Rizal kamakailan.

Kilala ang magkakapatid na Sean, Topeng at Jc Naval sa pag-awit ng the Beatles, Rivermaya at Eraserheads songs.

Sumuporta sa kanilang konsyerto ang baguhang singer na sina Chris Marquez at ASOP interpreter na si Frank Packing na kapwa naghandog ng kanilang awitin .

Naki-jam din si The Voice season 2 contender at ASOP interpreter Jason Fernandez sa grupo na madalas na nilang gawin sa mga mall tour ng Wish 107 5.

Proud naman ang mayor ng Taytay na si Ginang Janet Mercado sa galing ng magkakapatid na singer.

Bunga ng sipag at tiyaga ng grupo ay nabuo nila ang kanilang unang record album at ang carrier single nito na may titulong “Pag-ibig” ay kasalukuyang pinatutugtog sa Wish fm.(Adjes Carreon/UNTV Correspondent)

Tags: The Voysing, WISH FM