‘Morissette is Made’ concert series, aarangkada na sa Cebu at Dubai

by Radyo La Verdad | June 27, 2018 (Wednesday) | 11403

Pinabilib ni Asia’s Phoenix Morissette ang publiko sa kanyang first successful solo concert sa The Big Dome noong Pebrero.

Matapos ang kanyang sold-out concert sa Manila, ibabahagi naman ng young diva ang kanyang talento sa Cebu para sa kanyang homecoming concert.

Nauna nang sinabi ni Morissette sa kanyang Instagram post na espesyal ito para sa kanya dahil dito siya nagsimula. Ang Made in Cebu ay isasagawa sa Waterfront Hotel sa Lahug sa ika-14 ng Hulyo.

Samantala, ngayon pa lamang ay naghahanda na rin para sa international tour ng concert sa Dubai. Kaya naman ang mga fans, excited nang mapanood nang live ang Asia’s Phoenix.

Ang tickets para sa Made in Dubai ay mabibili sa e-ticketing website na platinumlist.net. Ang concert ay isasagawa sa World Trade Center Zabeel Hall 2 sa ika-17 ng Agosto.

 

( Leslie Longboen / UNTV Correspondent )

 

Tags: , , , , ,