Tatlo ang sugatan sa banggan ng tricycle at motorsiklo sa kahabaan ng Congressional Avenue, Barangay Salitran Tres, Dasmariñas City, Cavite kaninang ala una ng madaling araw.

Agad nilapatan ng pang unang lunas ng UNTV News and Rescue Team ang motorcycle rider na si Christopher Morales na nagtamo ng posibleng bali sa kaliwang braso at sugat sa kanang daliri.

At ang driver ng tricycle na si Joel Panyamogan Dejolde na nagtamo ng gasgas sa kanang bahagi ng noo at binti.

At ang sakay nito na si Sam Jade Gadiane na nagtamo ng gasgas at bugbog sa kanang binti.

Matapos lapatan ng first aid ay inihatid na ng UNTV Rescue sina Morales at Gadiane sa De La Salle University Medical Center.

Habang ang Dasmarines City Ambulance na ang naghatid kay Dejolde sa ospital.

Kasalukuyan ng iniimbestigahan ng mga otoridad ang insidente sa dalawang driver na kapwa aminado na naka-inom ng alak.

(Guiller Dumaran / UNTV Correspondent)

Tags: Tatlong biktima sa banggaan ng motorsiklo at tricycle sa Cavite, tinulungan ng UNTV News & Rescue Team