METRO MANILA – Malapit ng makamit ng Pilipinas nag pagbabakuna sa 50% ng populasyon bago matapos ang taon ayon kay Pangulong Rodrigo Duterte.
Ayon ito sa kaniyang pahayag sa Talk to the People, kasabay ng anunsyong nakamit ng pamahalaang makapagbakuna sa hindi bababa sa 55 milyong doses ng Covid-19 vaccine noong nakaraang Oktubre.
Sa huling tala noong Martes, umabot na sa kabuuang 60,406,424 Covid-19 vaccines naiturok sa mga tao sa buong bansa, 27,749,809 ay fully vaccinated at 32,656,615 ang nakakuha ng first dose ayon sa National Covid-19 Vaccination Dahsboard ng Department of Health.
Ayon sa Pangulong, 35.5% na ng populasyon ang fully vaccinated at maaabot ang humigit kumulang 50% sa pagtatapos ng taon at kumpiyansa siya na makakamit ang population protection ngayong 2021.
Pitumpung porsyento ng populasyon ang layuning makamit ng Pilipinas ngayong taon at sa paparating pang mga bakuna ay nakikita ng administrasyon na makapagsasagawa ng 1 hanggang 1.5 milyong doses araw araw simula sa susunod na linggo.
Nakatanggap na ng kabuuang 108,912,460 doses ng COVID-19 vaccine ang Pilipinas na nakuha at idinonate sa bansa.
(Ritz Ranielle | La Verdad Correspondent)
Tags: Covid-19, Pangulong Duterte
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
