Anomang oras ay posibleng nang ibaba ng Taiwan ang aksyon na kanilang gagawin laban sa Pilipinas kung hindi babawiin ng pamahalaan ang travel ban sa Taiwan.
Hindi pa idinetalye ng Taiwan foreign ministry ang mga hakbang na kanilang gagawin pero handa na umano sila para ipatupad ito.
“Our government has already made comprehensive preparations, we have a complete plan and made all-compassing considerations.” ani Taiwan Foreign Ministry Spokeswoman, Joanne Ou.
Una nang sinabi ni Manila Economic And Cultural Office in Taiwan chairman Angelito Banayo na posibleng makaapekto sa mga Pilipino ang magiging aksyon ng Taiwan.
Kabilang na ang pagkansela sa visa-free privilege sa mga Pilipino sa Taiwan. Sa ngayon mayroon ng mahigit 100,000 Pilipino ang nagtatrabaho sa Taiwan.
Samantala hindi naman ikinabahala ng palasyo ang banta ng Taiwan dahil ang kapakanan ng mga mamamayang Pilipino ang isina-alang-alang ng Punong Ehekutibo sa pagpapatupad ng travel ban dahil sa banta ng Coronavirus Disease 2019.
“Each country has the right to react on any act perceived or taken by them as against its own interest. What can we do about it, eh tayo rin may sariling interes na inaalagaan ang interes ng kalusugan at kaligtasan ng ating mga kababayan. We understand where the reaction is coming from but they should also understand why we’re doing it” ani Presidential Spokesperson & Chief Presidential Legal Counsel Sec. Salvador Panelo.
(Grace Casin | UNTV News)
Tags: Coronavirus Disease
METRO MANILA –
Tila balewala kay Pangulong Rodrigo Duterte ang mga kontrobersyang kinakaharap ni Health Secretary Francisco Duque III nitong mga nakalipas na araw.
Katunayan, pinagpaliwanag pa ng Pangulo ang kalihim sa kontrobersyal nitong pahayag na second wave of infection sa bansa.
Pinayuhan niya rin ang kalihim sa gitna ng mga panawagang magbitiw ito sa pwesto.
Nagpadala mismo ng request sa punong ehekutibo ang Private Hospitals Association of the Philippines or PHAP upang hilinging palitan sa pwesto si Sec. Francisco Duque III.
(Rosalie Coz | UNTY NEWS)
METRO MANILA – Sa pinabagong ulat ng Quezon City local government, umakyat na sa 2000 ang naitalang kaso ng coronavirus disease 2019 sa lungsod. Kung saan 841 sa mga ito ang active cases.
Muli namang nadagdagan ng tatlo ang bilang ng mga namatay sa lungsod dahil sa Covid-19, kaya’t kung susumahin ay mayroon nang 169 total deaths ang Quezon City.
Patuloy namang dumarami ang mga indibidwal na gumaling na sa sakit na ngayon ay umaabot na sa 624.
Sa ngayon ay nakipag-partner na rin ang QC local government sa isang pribadong kumpanya para mas mapalawak pa ang pagsasagawa ng rapid testing. Anila malaking tulong ito upang mas madaling matukoy at maihiwalay ang mga residenteng apektado ng Covid-19 upang agad na magamot.
Nauna nang nagpatupad ng special concern lockdown ang QC LGU sa mga piling lugar sa lungsod kung saan naitala patuloy na pagtaas ng kaso ng Covid-19.
Ang Quezon City ang lungsod sa Metro Manila na may pinakamaraming populasyon, at may pinakamataas na kasong naitala ng coronavirus disease.
(Joan Nano)
Tags: Coronavirus Disease, Covid-19, Quezon City
Nakarating sa Department of Health (DOH) ang mga ulat ukol sa problema sa kakulangan ng personal protective equipment (PPE) sa mga ospital.
Ayon kay Health Undersecretary Maria Rosario S. Vergeire, inaayos na ng kagawaran ang sistema ng pagtanggap ng mga donasyong PPE mula sa iba’t ibang bansa at institusyon.
Tiniyak din ni Usec. Vergeire na tutugunan ng DOH ang suliraning ito sa abot ng kanilang makakaya.
“Iaanunsyo ng DOH sa publiko kung paano makakahingi ang mga healthcare workers natin ng PPE’s, at kung paano ito makakarating sa kanila. Asahan po ninyo na hindi namin kayo pababayaan,” ani DOH Usec. Vergeire na siya ring tagapagsalita ng DOH.
Kabilang sa donasyon mula sa China ang 100,000 test kits, 100,000 surgical masks, 10,000 n95 masks, at 10,000 set ng PPE.
Umaasa si China Ambassador to the Philippines Ambassador Huang Xilian na makatutulong ang medical supplies na ito upang malagpasan at mapagwagian din ng Pilipinas ang laban kontra COVID-19.
Nagpasalamat si Foreign Affairs Sec. Teodoro Locsin Jr. sa tulong na ipinagkaloob ng China sa bansa.
“This is a tremendous help of China. It is a model for what the rest of the world should be doing. Instead of blaming each other for what’s happening, they should all start working together to help each other. And this is concrete proof,” ayon kay Sec. Locsin.
Tiniyak ng DOH na paiigtingin pa nila ang kanilang COVID-19 testing capacity kasabay ng pagtaas ng bilang ng mga nagpopositibo sa nakamamatay na sakit sa bansa.
Tags: Coronavirus Disease, Covid-19
