METRO MANILA – Ipinag-utos na ni Department of Transportation (DOTr) Secretary Arthur Tugade na pag-aralan na rin ng Land Transportation Franchising and Regulatory Board (LTFRB) ang pagtataas ng pamahase sa iba pang mga Public Utility Vehicle (PUV).
Kasabay ito ng pagdinig sa mga petisyon para sa dagdag pasahe sa mga pampasaherong jeep, bus at Transport Network Vehicle Service (TNVS).
Paliwanag ni LTFRB Executive Director Maria Kristina Cassion, hindi lang kasi mga Public Utility Jeepney (PUJ) ang apektado ng pagtaas sa presyo ng mga produktong petrolyo.
Ngunit kailangan aniyang balansehin din ang interes hindi lang ng gastos at kita ng mga driver at operator ng mga PUV.
Kailangan din kasing tingnan ang kakayahan ng mga pasahero at epekto sa ekonomiya partikular na ang inflation o antas ng pagtaas sa presyo ng mga bilihin.
Paliwanag pa ng LTFRB, ang naturang mga petisyon ay hindi lang simpleng kahilingan ng dagdag pasahe para sa mga drayber at operator ng mga PUV.
Kundi nakakaapekto na rin ito sa bilang ng mga pampublikong sasakyan na bumabyahe partikular na sa Metro Manila kung saan may mga tumigil na sa pamamasada bunsod ng kawalan ng kita.
Sa tala ng LTFRB, mula sa mahigit 86,000 PUV na bumabyahe sa Metro Manila noong 2020 ay nasa 80,000 na lang ito ngayong taon.
Ibig sabihin, mahigit 5,300 ang nawala sa mga pumapasadang pampasaherong sasakyan.
Upang maibsan ang epekto nito sa mga mananakay, ipinatutupad pa rin ang service contracting program sa 28 ruta ng mga PUV sa Metro Manila.
Sa ilalim ng programa, obligadong bumyahe ang mga pampublikong sasakyan na tiyak naman silang nababayaran.
Nariyan din ang libreng sakay kaya ilan sa mga motorista ay na-eenganyo nang sumakay sa pampublikong transportasyon dahil sa mataas na presyo ng produktong petrolyo.
(Asher Cadapan Jr. | UNTV News)
Tags: LTFRB, taas pasahe
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
