Sa isang pambihirang pagkakataon, naglabas ng isang joint statement ang economic managers ng Duterte administration. Nanindigan sila na hindi solusyon ang pagsususpinde sa implementasyon ng TRAIN law sa inflation at sagabal pa sa pag-angat ng ekonomiya.
Sa ulat ng Philippine Statistics Authority (PSA), mula 4.5 percent noong Abril, naitala ang 4.6 percent na inflation rate nitong Mayo, ito na ang pinakamataas sa loob ng limang taon.
Pangunahing itinuturong dahilan ng pagtaas ng inflation ay ang pagtaas ng presyo ng isda, mais, crude oil at bigas.
Pero ayon sa National Economic Development Authority (NEDA), posibleng pababa na ang inflation rate sa mga susunod na buwan.
Ikinukonsidera na rin ng oil-exporting countries ang pagdadagdag ng produksyon sa langis na posibleng maging dahilan ng pagbaba ng presyo nito sa pandaigdigang merkado gayundin ang pagdating ng mga rice import sa bansa ngayong buwan ng Hunyo.
( Rosalie Coz / UNTV Correspondent )
Tags: economic managers, inflation, TRAIN Law
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Bumagal sa 4.1% ang inflation rate o ang bilis ng pagtaas ng presyo ng mga bilihin at serbisyo sa bansa noong Nobyembre.
Ayon sa Philippine Statistics Authority (PSA), kahit na mataas ang presyo ng bigas, iniuugnay ang pagbagal ng inflation rate sa pagbaba ng presyo ng food at non alcoholic beverages, tulad na lamang ng gulay.
Dagdag pa ng PSA, ang pagbaba rin ng halaga ng produktong petrolyo ay nag-ambag rin kaya bumagal ang inflation.
Pagtitiyak ni National Economic and Development Authority (NEDA) Director General at Socioeconomic Planning Secretary Arsenio Balisacan, patuloy na imo-monitor ng pamahalaan ang bilis ng antas ng pagtaas ng presyo ng mga bilihin gayundin ang halaga ng mga serbisyo sa gitna ng banta ng geopolitical tensions at pabago-bagong klima o climate change na nagdudulot ng kawalan ng katiyakan sa maaaring maging epekto nito sa galaw ng presyo ng mga bilihin.
Naniniwala ang NEDA na epektibong mapapangasiwaan ng pamahalaan ang inflation at maiiwasan ang pagtaas ng presyo ng bilihin sa pamamagitan na rin ng tama at napapanahong pagpapatupad ng trade policy.
Tags: inflation, NEDA, PH Economy, PSA
METRO MANILA – Bumaba ang naitalang inflation rate ng bansa noong buwan ng Oktubre ngayong taon batay sa datos ng Philippine Statistics Authority (PSA).
Mula sa 6.1% noong Setyembre, bumagal sa 4.9% ang naitalang inflation rate noong nakaraang buwan, na mas mababa sa 6.1% na naitala noong Setyembre.
Kapansin-pansin din na mas mababa ito sa 7.7% sa kaparehong buwan noong 2022.
Ayon sa ahensya, pangunahing nakapagpababa sa inflation ay ang pagbagal ng year-on-year increase sa food at non-alcoholic beverages.
Naniniwala naman ang PSA na posibleng magpatuloy pa ang pagbagal ng inflation sa mga darating na buwan kung hindi magkakaroon ng shock ng supply sa bansa.
Tags: inflation, October 2023, PSA
