Mabilis maubos ang murang bigas sa ilang palengke sa Quezon City. Ito ay dahil bumaba ang alokasyon ng National Food Authority (NFA) rice.
Ayon kay Rosario Jao, tindera ng NFA rice sa Muñoz Market, kung dati ay isang daang kaban ang ibinababa sa kanila, ngayon ay dalawampu’t lima na lang. Hindi na ito sumasapat sa dami ng mga pumipila para makabili ng NFA rice.
Kahapon ay pasado alas onse na dumating ang suplay ng NFA rice na naibebenta ng 20 piso kada kilo. Dahil konti ang suplay ng NFA rice, napipilitang bumili ng commercial rice sa halagang 47 piso kada kilo si Cristy.
Ayon kay Cristy, kapag nakaka-tyempo ay tatlo hanggang limang kilong NFA rice na ang kaniyang binibili.
Sa Kamuning Market, marami pa ang suplay ng murang bigas sa tindahan ni Aling Cresencia pero aminado rin ito na bumaba ang alokasyon sa kanila.
Dismayado naman ang grupong Bantay Bigas sa pagbaba ng suplay ng NFA rice.
Pero una ng sinabi ng Department of Agriculture (DA) na parating na ang maraming suplay dahil sa inangkat na bigas ng NFA.
( Cathy Maglalang / UNTV Correspondent )
Tags: Muñoz Market, NFA rice, Quezon City
METRO MANILA – Iimbestigahan na ng Senado ang maanomalyang pagbebenta ng buffer stock rice ng National Food Authority (NFA) sa mababang halaga sa ilang negosyante.
Ayon kay Senate Commmittee on Agriculture and Food Chairman Senator Cynthia Villar, isang resolusyon ang babalangkasin nila para maimbestigahan na agad ang isyu.
Binigyang-diin din ng Senadora na sa mahihirap dapat ibinebenta ang NFA rice at hindi sa mga trader.
Nauna ng sinimulan ng Department of Agriculture (DA) ang imbestigasyon sa umano’y sale ng NFA rice sa mga hindi pa pinangalanang businessmen nang hindi dumaan sa bidding process
Tags: NFA rice
METRO MANILA – Sa pinabagong ulat ng Quezon City local government, umakyat na sa 2000 ang naitalang kaso ng coronavirus disease 2019 sa lungsod. Kung saan 841 sa mga ito ang active cases.
Muli namang nadagdagan ng tatlo ang bilang ng mga namatay sa lungsod dahil sa Covid-19, kaya’t kung susumahin ay mayroon nang 169 total deaths ang Quezon City.
Patuloy namang dumarami ang mga indibidwal na gumaling na sa sakit na ngayon ay umaabot na sa 624.
Sa ngayon ay nakipag-partner na rin ang QC local government sa isang pribadong kumpanya para mas mapalawak pa ang pagsasagawa ng rapid testing. Anila malaking tulong ito upang mas madaling matukoy at maihiwalay ang mga residenteng apektado ng Covid-19 upang agad na magamot.
Nauna nang nagpatupad ng special concern lockdown ang QC LGU sa mga piling lugar sa lungsod kung saan naitala patuloy na pagtaas ng kaso ng Covid-19.
Ang Quezon City ang lungsod sa Metro Manila na may pinakamaraming populasyon, at may pinakamataas na kasong naitala ng coronavirus disease.
(Joan Nano)
Tags: Coronavirus Disease, Covid-19, Quezon City
METRO MANILA – Mahigpit nang ipatutupad ng pamahalaang lungsod ng Pasay at Quezon City ang kanilang ordinansa na ipinagbabawal ang mga walang damit pang itaas.
Lahat ng mahuhuli ay pagmumultahin ng hanggang P4,000 at 1 araw na community service ang parusa sa mga lalabag dito.
Layon ng mga ordinansang ito na makapagtanim ng kabutihang asal at pagiging disente sa publiko. Samantala tanggap naman ng ilang mga residente na maganda ang intensyon ng naturang batas.
(Asher Cadapan Jr. | UNTV News)
Tags: Pasig city, Quezon City
