Ipinag-utos na ng pamunuan ng Philippine National Police (PNP) ang pagpapaigting ng seguridad lalo na sa mga lalawigan.
Ito ay matapos simulan ng New People’s Army ang serye ng pag-atake hindi lamang sa mga Police Stations, kundi pati na rin ang pag-ambush sa mga pulis, sundalo at opisyal ng pamahalaan.
Ayon kay PNP Chief PDG Oscar Albayalde, isang patunay dito ang nangyaring ambush sa convoy ni FDA Director General Nela Charade Puno sa Brgy. Napolidan Lupi, Camarines Sur, kung saan tatlong pulis ang napatay.
Natuklasan din ng Armed Forces of the Philippines mula sa mga nakubkob na kampo ng NPA ang ilang sa mga plano ng rebeldeng grupo.
Kabilang dito ang operation supermarket, kung saan target ang ilang AFP detachments at PNP Stations upang makakuha ng mga armas; operation casino, kung saan target ng Sparu unit ng NPA ang mga asset at intel operatives ng militar; operation tabasco, na target ang mga pulis na nagsasagawa ng oplan tokhang; operation bulldozer kung saan aatakehin ang mga mining companies at ilang proyekto ng pamahalaan at ang operation hades at pag-atake sa ilang opisyal ng pamahalaan.
( Lea Ylagan / UNTV Correspondent )
Tags: NPA, PNP, PNP chief PDG Oscar Albayalde
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
