Libreng binhi at pataba; ilang lamang ito sa mga ipinamimigay o subsidiya ng Department of Agriculture (DA) sa mga magsasaka.
Pero ayon kay Agriculture Secretary Manny Piñol, unti-unti na nila itong aalisin at papalitan ng programa sa pautang. Nagiging daan lamang aniya ng kurapsyon ang subsidiya at ang mga supporter lamang ng ilang pulitiko ang napapaboran dito.
Umaabot niya sa 40 bilyong piso ang nagagastos ng gobyerno dito at hindi na bumabalik.
Ayon sa kalihim, naglaan na sila ng mas malaking budget para sa programa sa pautang sa mga magsasaka at ito na mismo ang makapipili ng gusto niyang klase ng binhi, pataba o maging gamit sa pagsasaka.
Sa datos ng DA, nasa 96% ang balik ngayon ng mga naipautang ng kagawaran sa pamamagitang ng easy access loan sa bangko na hindi nangangailangan ng maraming requirements.
Ipapanukala naman ni Piñol kay Pangulong Rodrigo Duterte na gamitin na rin sa loan program ang P70B pondo para sa Pantawid Pamilyang Pilipino Program (4P’s).
Imbes aniya na ibigay lang ng libre sa mga benipisyaryo ay ipautang ito bilang puhunan para mas makatulong din sa produksyon ng pagkain sa bansa gaya ng pag-aalaga ng baboy o pagtatanim ng gulay.
Ayon sa kalihim, nagiging tamad na rin ang mga magsasaka sa mga kanayunan dahil sa 4P’s.
Sinisikap pa ng UNTV News na kunin ang panig ng DSWD hinggil dito.
( Rey Pelayo / UNTV Correspondent )
METRO MANILA – Tiniyak ni Pangulong Ferdinand Marcos Junior na maihahatid ang tulong para sa mga residenteng naapektuhan sa pananalasa ng bagyong Aghon.
Ayon kay PBBM, inatasan na nito ang Department of Social Welfare and Development (DSWD), Department of Agriculture (DA) at Department of Health (DOH) na ihatid ang lahat ng tulong at suportang medikal sa mga biktima ng bagyo.
Reresponde rin kaagad aniya ang pamahalaan upang maisaayos ang mga nasirang imprastraktura.
Siniguro rin ni Pangulong Marcos na may nakaantabay pang pondo para sa typhoon-hit areas.
METRO MANILA – Umabot na sa P5.9-B ang naging damage sa agrikultura ng bansa dahil sa patuloy na pag-iral ng El niño phenomenon.
Ayon sa kagawaran ng agrikultura, pinaka-malaki ang naitalang pinsala sa rice sector na umabot na sa P3.1-B na halaga ng pagkalugi.
Kabilang sa mga pinaka-napinsalang rehiyon sa bansa ang Mimaropa, Cordillera Administrative Region, at Western Visayas.
Ayon kay DA Assistant Secretary Arnel De Mesa, nakatulong sa pagpapagaan ng mga epekto ng El niño ang maagang pagpaplano, rehabilitasyon at mitigation measures ng kagawaran, partikular na ang sa National Irrigation Administration (NIA).
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
