Muling inihayag ni Pangulong Rodrigo Duterte ang kaniyang pagnanais na maihinto ang operasyon ng pagmimina sa buong bansa.
Ginawa ng punong ehekutibo ang pahayag sa situation briefing sa epekto ng Bagyong Ompong sa La Trinidad, Benguet kagabi.
Subalit ayon sa Pangulo, kinakailangang ang Kongreso ang mismong magpawalang bisa sa mining laws.
Marami ang nasawi at marami pa rin ang nawawala nang matabunan ng gumuhong lupa ang bunkhouses ng mga minero sa Itogon, Benguet sa kasagsagan ng pananalasa ng Bagyong Ompong.
Kasunod nito, ipinag-utos ni Environment Secretary Roy Cimatu na itigil muna ang lahat ng operasyon ng small-scale mining sa buong Cordillera Administrative Region (CAR).
Kabilang na ang mga pinagkalooban ng permit na lokal na pamahalaan sa pamamagitan ng minahang bayan. Ang mga tauhan na ng militar at pulisya ang inatasang magpatupad nito.
Samantala, tiniyak naman ng pamahalaan na magbibigay ng ayuda sa daan-daang manggagawang maaapektuhan ng pagpapatigil ng mga minahang ito.
Karamihan din anila sa mga minero ay sa Ifugao nanggaling kaya hihikayatin na silang bumalik sa kanilang probinsya o hahanapan sila ng ibang relocation.
( Rosalie Coz / UNTV Correspondent )
Tags: CAR, mining operations, Sec. Cimatu
METRO MANILA – Pinag-iingat ngayon ng Department of Social Welfare and Development (DSWD) CAR ang mga kliente, stakeholders at ang publiko patungkol sa grupo na nagpapakilalang Bagong Bansang Maharlika (BBM) International Inc. na umano’y nanghihingi ng P100 membership fee na requirement para makasali sa iba’t ibang mga programa at mga serbisyo ng DSWD.
Ayon kay DSWD FO CAR Regional Director Leo Quintilla, hindi nanghihingi sa anomang paraan ng salapi o bayad kapalit ang mga serbisyo at programa ang kanilang ahensya.
Dagdag pa ni Quintilla, ang travel clearance lamang ng mga menor de edad papuntang abroad ang serbisyo na nangangailangan ng minimum fee bago maibigay.
Ang nasabing clearance ay required para sa mga menor de edad papuntang abroad na mag-isa o kahit hindi kasama ang magulang.
Kasunod ito ng natatanggap na ulat ng DSWD-CAR sa umano’y pangongolekta ng BBM International Inc. ng membership fee sa iba’t ibang lugar sa rehiyon.
(Ian Joshua Vicente | La Verdad Correspondent)
METRO MANILA – Umabot na sa P53.1-M ang pinsala ng typhoon Egay sa agrikultura ng bansa.
Ayon sa Department of Agriculture (DA), kabilang dito ang sa Cordillera Administrative Region, Calabarzon, Mimaropa, at Eastern Visayas.
Apektado nito ang nasa 1,800 metriko tonelada ng palay at mais. Gayundin ang mga livestock at poultry.
Mahigit sa 2,000 na mga magsasaka naman ang naapektuhan ni Egay.
Ayon naman sa DA may nakahandang tulong sa mga apektado kabilang na ang mga buto ng palay at gulay, mga gamot para sa mga alagang hayop, at financial assistance na aabot sa P25,000 .
Tags: Bagyong Egay, CALABARZON, CAR, eastern visayas
Sinalubong ng hiyawan, tugtugan at sayawan ng mga Boracaynon ang mga turistang Aklanon sa isinagawang salubungan sa white beach ng Boracay Island.
Bahagi ito ng pagsisimula ng dry-run para sa reopening ng isla matapos ang anim na buwang rehabilitasyon dito.
Dinaluhan ito nina DENR Secretary Roy Cimatu, DILG Secretary Eduardo Año, DPWH Secretary Mark Villar, Aklan Governor Florencio Miraflores at Malay Mayor Ceciron Cawaling. Humabol din sa unang araw ng dry run si Tourism Secretary Bernadette Puyat.
Nagkaroon ng memorandum of agreement signing sa pagitan ng Department of Energy (DOE), Department of Transportation (DOTr) at ng DILG para sa pagbibigay ng 200 E-trikes na ipamimigay sa mga tricycle drivers sa Boracay Island.
Nagkaroon din ng contract signing sa pagitan ng DENR at ng Boracay Business Association of scuba shops para sa water sports sa Boracay.
Ipinagmalaki ni Environment Secretary Cimatu na hindi na cesspool ang Boracay at pormal nang prinoklamang safe to swim ang white beach.
Aniya, batay sa pinaka huling ulat ng kanilang ahensya, bumaba na sa 18.1 mpn/100ml ang coliform level sa tubig sa white beach kung kaya’t safe to swim na ito.
Magtatalaga din ng swimming area sa white beach ang DENR kung saan pagbabawalang maka lapit dito ang mga bangka.
Nagpasalamat si Cimatu sa naging kooperasyon ng mga establishments owners, workers at mga residente ng Boracay sa isinagawang rehabilitasyon.
Nagsagawa rin ng unveiling of development design para sa wetland number four at ribbon cutting ng katatapos lang na Bulabog Road.
Naging mahirap man sa mga taga-Boracay at maging mga Aklanon ang nangyaring Boracay closure, ikinatuwa naman ng mga ito ang magandang resulta ng rehabilitasyon sa isla.
Naniniwala rin ang mga Boracaynon at mga Aklanon na lalo pang mapapabuti at mapapaunlad ang turismo sa Boracay Island sa patuloy na rehabilitation efforts ng pamahalaan.
( Vincent Arboleda / UNTV Correspondent )
Tags: Boracay, DOTr, Sec. Cimatu
