Butas na sahig at mga bubong, kulang sa mga upuan, ibang gamit, wala ring tubig at ilaw. Ilan lamang ito sa mga tinitiis ng mga mag-aaral na Badjao, sa kanilang silid-aralan sa Tahik Bihing Primary School sa Zamboanga City.
Bukod pa ito sa sirang tulay na araw-araw ay dinadaanan ng mga estudyante papunta sa paaralan. Maging ang mga guro ay dumadaing na rin sa sitwasyon ng paaralan.
Sa kabila nito, matiyagang pumapasok ang mga mag-aaral kahit na walang baon, uniporme at gamit pang-eskwela.
Ang Tahik Bihing Primary School na ang ibig sabihin ay paaralan sa tabi ng dalampasigan ay binuksan noong 2016.
Mayroon lamang itong 89 na mag-aaral sa simula ngunit ngayon ay umabot na sa 223 ang nag-aaral dito mula kindergarten hanggang grade 2 na tinuturuan ng apat na guro.
Ang mga Badjao ay kabilang sa indigenoues people na ang pangunahing ikinabubuhay ay pangingisda.
Sa ngayon, nanawagan ang mga guro sa pamahalaan at iba NGOs na sana ay maipagawa ang paaralan.
Nangangilangan din aniya sila ng mga karagdagang guro bagamat hirap na makaintindi ng tagalog at ingles, tinityaga ng mga guro na turuan ang mga ito upang matulungan silang maabot ang pangarap na makatapos ng pag-aaral.
( Dante Amento / UNTV Correspondent )
Tags: Badjao, IP school, Zamboanga city
ZAMBOANGA CITY – Arestado ang isang Abu Sayyaf Explosive Expert sa isinagawang law enforcement operation ng Philippine National Police (PNP) at Armed Forces of the Philippines (AFP) sa Sitio Caragasan, Brgy. Maasin, Zamboanga City nitong Martes (November 23) ng umaga.
Kinilala ang suspek na si Kalmi Mustala na pawang Sulu-based member ng ASG.
Si Mustala ay may standing warrant of arrest matapos na magmay-ari ng ilegal na pampasabog, double frustrated murder at double attempted murder na inisyu ng Sulu Regional Trial Court noong Hunyo 19, 2021.
Nasa kustodiya na ngayon ng Zamboanga City Police Office Headquarters ang naturang suspek bago iturn-over sa Jolo Police Station.
Samantala, nagsasagawa naman ngayon ng imbestigasyon ang mga otoridad upang malaman ang lawak ng pagkakasangkot ni Mustala sa mga aktibidad ng nasabing grupo.
(Renee Lovedorial | La Verdad Correspondent)
Tags: Explosive Expert, Zamboanga city
Nalalapit na ang pagbubukas ng P120 million mega isolation facility sa Zamboanga City ayon kay Zamboanga City Mayor Maria Isabelle Climaco-Salazar.
Matatagpuan ang pasilidad sa Zamboanga Economic Zone area ng Sitio San Ramon, Barangay Talisayan, Zamboanga.
Naglalaman ng 320-bed capacity ang isoation center na makakatulong tugunan ang kakulangan ng mga
kama sa mga ospital bunsod ng patuloy na pagtaas ng kaso ng COvid-19
Equipped din ang bawat kwarto ng Individual air-conditioning, comfort room at mga gamit para rito.
Mayroon din itong quarters para sa mga health front-liners, logistics room, at health care section, generator set at 8,000-liter capacity water tanker.
(Kyle Nowel Ballad | La Verdad Correspondent)
ZAMBOANGA, Philippines – Naaresto sa isinagawang manhunt operation ng Zamboanga City Police si Ashraf Kayzar Ikbala, 34-taong gulang, residente ng Barangay Tetuan, Zamboanga City nitong weekend. Nakuha sa kaniya ang pitong sachet ng pinaniniwalaang shabu na tinatayang nagkakahalaga ng ₱156,400, pera at dalawang cellphone.
Si Ikbala ay anak ni dating PNP General Sukarno Ikbala na isa sa mga tatakbo sa pagka-alkalde sa siyudad sa 2019 elections.
Hinuli ito ng mga otoridad sa bisa ng warrant of arrest na inilabas ni Judge Catherine Fabian ng RTC branch 16, 9th Judicial Region, Zamboanga City sa kasong paglabag sa Comprehensive Dangerous Drugs Act of 2002 o RA 9165 section 5 at 11.
Dati nang nahuli si Ikbala sa isang buy-bust operation subalit nakalaya ito matapos makapagpiyansa.
Ani PSSupt. Thomas Joseph Martir, ang director ng Zamboanga City Police, “mayroon din siyang dating kaso according sa nalaman ko because dati yata siyang nakalabas or dati rin yata siyang nahuli sa shabu rin.”
Sa ngayon ay nakakulong na ang suspek sa Culianan Police Station.
(Dante Amento/ UNTV News)
Tags: Ashraf Kayzar Ikbala, Barangay Tetuan, Culianan Police Station, iligal na droga, PNP General Sukarno Ikbala, PSSupt. Thomas Joseph Martir, Zamboanga city
