38 centavos per kilowatt hour ang ibababa ng singil sa kuryente ng Meralco ngayong buwan ng Disyembre. Para sa mga costumer ng Meralco na komokonsumo ng 200 kilowatt kada buwan, makakatipid ito ng seventy five pesos one hundred thirteen pesos naman sa komokonsumo ng 300 kilowatt, one hundred fifty one sa 400 kilowatt at halos dalawang daang piso sa mga komokonsumo ng 500 kilowatt kada buwan. Paliwanag ng Meralco, isa ang pagbaba ng generation charge sa nakatulong para bumaba ang singil ng kuryente.
Subalit pinangangambahan namang magkaroon ng epekto sa presyo ng kuryente ang ipapataw na excise coal tax dahil mapupwersa nito na magtaas ng singil ang mga coal fired power plants sa bansa.
Sa Pebrero sa susunod na taon posibleng maramdaman ang epekto ng dagdag buwis sa coal. Ayon sa Meralco, hindi ito masyadong magiging mataas dahil maliit na porsyento lamang ang coal sa kanilang pinagkukunan ng kuryente, malaking bahagi ng kuryente na binibili ng Meralco ay nagmumula sa planta ng malampaya natural gas na nagbebenta ng mas murang halaga ng kuryente.
Bukod dito, nagbabadya din na tumaas ang singil sa kuryente ng mga taga Luzon dahil sa inilabas na desisyon ng Court of Appeals sa apela ng mga power generation companies.
Hinihiling ng mga generation companies na mabawi ang nalugi noong November hanggang December 2013 na aabot sa 17 billion pesos, ito ay kaugnay ng matagal na maintenance shutdown ng Malampaya kaya napilitan ang mga generation companies na bumili ng mas mahal na kuryente.
Subalit pinigil ng Energy Regulatory Commission o ERC ang pagtataas ng singil ng mga generation companies dahil hindi umano ito makatwiran. Ngunit nitong Nobyembre binaliktad ng CA ang desisyong ito ng ERC.
Nakatakda pang maghain ng apela ang ERC sa desisyong ito ng CA. Kung walang magiging pagbabago, ang 17 billion pesos na sinisingil ng mga generation companies ay ipapasa ng mga power distributors sa may 12 milyong consumer sa Luzon Region.
( Mon Jocson / UNTV Correspondent )
Tags: bababa, Meralco, Singil sa kuryente
METRO MANILA – Binawi ng Meralco ang nauna nitong anunsyo na nasa P0.64 kada kilowatt-hour na dagdag-singil sa kuryente ngayong Hunyo.
Sa official statement ng Meralco ay inihayag nito na magpapatupad ang power distributor ng P1.96 o halos P2 kada kilowatt-hour na bawas-presyo, ngayong buwan.
Katumbas ito ng P392 na kabawasan sa bill ng kuryente para sa mga typical residential customer ng Meralco na kumukonsumo ng 200-kilowatt hour.
P589 naman ang mababawas kung 300-kilowatt hour ang konsumo, P785 sa 400-kilowatt hour, habang P981 naman sa 500-kilowatt hour consumption.
Ayon sa Meralco, bunsod ito ng pagapatupad ng utay-utay na singil sa generation costs mula sa wholesale electricity spot market (WESM).
Alinsunod ito sa kakalabas lang na utos ng Energy Regulatory Commission (ERC) sa lahat ng power distributors na gawing staggered collection sa WESM purchases kabilang na ang supply na binili para sa buwan ng Mayo.
Hahatiin ito sa 4 na buwang installment simula ngayong buwan hanggang September 2024 bill kaya asahan ang mataas na generation charge sa mga susunod na buwan ayon sa Meralco.
Tags: Meralco
METRO MANILA – Inanunsyo ng Manila Electric Company (MERALCO) na magpapatupad ito ng dagdag-singil sa kuryente ngayong Hunyo.
Inaasahang magkakaroon ng increase na P0.64 kada kilowatt-hour ang muling sa kabuuang power rate ng Meralco.
Ayon sa Meralco, bunsod ito ng pagtaas ng generation charge ngayong buwan, pagbaba ng halaga ng P1 kontra dolyar, at iba pang mga adjustment.
Kabilang na rito ang utay-utaying dagdag-singil sa generation cost sa mga nagdaang buwan bunsod ng manipis na supply ng kuryente sa Luzon grid kasabay ng mataas na pangangailangan dahil sa mainit na panahon.
Tags: Meralco, price hike
METRO MANILA – Pinag-iingat ngayon ng Meralco ang kanilang mga customer laban sa mga scammer na gumagamit ng fake email at nagpapanggap na kanilang empleyado.
Paalala ng Meralco, huwag mag-reply o mag-engage sa nasabing email, at iginiit na ang pagbabayad ng bills ay ginagawa lamang sa kanilang official payment channels.
Para sa karagdagang mga impormasyon, i-follow lamang ang official social media accounts ng Meralco, gayundin ang kanilang website at Meralco mobile app.
Tags: Fake Email, Meralco
