Magkakaroon ng panibagong proyekto ang Metroplitan Cebu Water District na inaasahang makatutulong upang mas maging maayos ang supply ng tubig at ang waste water management sa ilang bahagi ng Cebu.
Ang proyektong ito ay ang Septage Treatment Plant na itatayo sa lunsod ng Cordova.
Inaasahang matatapos ang pagtatayo ng proyekto sa Marso ng susunod na taon.
Kung mauumpisahan na ang paggamit ng Septage Treatment Plant, maaari nang maka-avail ng deslugding services ang mga consumer mula sa Lapu-Lapu at Cordova City sa halagang P3,000 sa loob ng limang taon o P50 lamang buwan-buwan.
Ang proyektong ito ay maaari ring makagawa ng class c na tubig na maaaring magamit sa pagdilig ng halaman at panlinis ng mga sasakyan.
Tiniyak naman ng MCWD na magkakaroon ng maayos na treatment and disposal of desludged septage upang hindi makasira sa lahat ng water resources at dagat.
Katuwang ng MCWD ang Envirokonsult Services, Inc. Sa proyektong Septage Treatment Plant.
(Gladys Toabi / UNTV Correspondent)
Tags: Cebu, ilang lugar, lalawigan, Septage Treatment Plant, supply ng tubig
METRO MANILA – Maglulunsad ngayon buwan ng 3 bike lane sa National Capital Region, Metro Cebu at Metro Davao upang makabahagi sa pagtaguyod ng aktibong transportasyon sa ating bansa.
Nasa 497 kilometers na sementado at physical separators at road signages ang natapos ng ahensya kasama ng Department of Public Workers and Highways sa nasabing lungsod.
Sa NCR nasa 313 kilometro na sementado at physical separators at road signages na umaabot sa P801,830,479.93ang natapos ng DOTr at DPWH.
Sa Metro Cebu ay nasa 129 kilometro na nag sementado at physical separators at road na nagkakahalaga ng 15 Milyon, at sa Metro Davao ay nasa 55 kilometro nag sementado at physical separators at road signages na nagkakahalagang P145,369,391.
Sa kabuuhan ang 3 proyektong ito ay umabot sa P1.09 Bilyon sa ilalim ng Bayanihan Bike Lane Networks Project.
Ayon kay Sec Tugate ang paglalagay ng sementado at physical separators at road signages at nagpapakita kung gaano ang nakatuon ang DOTr sa pagtataguyod ng aktibong transportasyon at sa tiyak na kaligtasan ng mga naglalakad
“Ito ay upang matupad ang kagustuhan ng publiko, at ng mga sumasakay, ang Department of Transportation ay nagpapatupad ng mga proyekto ito na nakatuon patungo sa hangarin,” ani Secretary Art Tugade.
“Nilayon naming magbigay sa mga commuter ng mas mabilis, at maayus na paraan ng mass transport; at upang buksan ang imprastraktura para sa aktibong transportasyon tulad ng paglalakad at pagbibisiklet”, dagdag pa nya.
Sa ilalim ng Republic Act No. 1149 o ng Bayanihan to Recover as One Act, ang promosyon ng aktibong transportasyon at pinalakas ng pagdedeklara ng bisikleta bilang isang karagdagang paraan ng transportasyon at pagbibigay ng pondo upang suportahan ang pagbuo ng mga bike lane network.
Ang DOTr at ang Department of Public Works and Highways (DPWH), kasama ang Department of Health (DOH), Department of Interior and Local Government (DILG) ay pumirma kanina lamang sa Joint Administrative Order (JAO) 2020-001 na ilarawan ang mga tungkulin ng Local at national ns pamahalaan sa pagtataguyod ng Aktibong Transportasyon.
(Zy Cabiles | La Verdad Correspondent)
METRO MANILA – Binanggit ni Pangulong Rodrigo Duterte sa kaniyang public address kagabi (June 22) ang matinding suliraning kinakaharap ng Cebu dahil sa COVID-19 at ang umano’y pagsisisihan ng mga lokal na opisyales duon.
Noong June 15, inilagay muli sa ilalim ng Enhanced Community Quarantine ang Cebu City samantalang ang Talisay naman ay sa Modified ECQ hanggang June 30 dahil sa mabilis na pagkalat ng Coronavirus Disease at pagtaas ng utilization rate ng critical care capacity duon.
Kaya binigyan niya ng bagong direktiba si Environment Secretary Roy Cimatu na magtungo sa lungsod at pangasiwaan ang pagresponde ng pamahalaan laban sa pandemya.
“So kayong mga taga-cebu it’s not that I do not trust your ability but rather I said it’s the penchant to go into a sort of a ‘yang sisihan nga tapos nobody would answer for anything. So mga kaigsuonan nako sa Cebu, both sa mga siyudad og probinsya, akong ipadala si general cimatu all he has to do not for permission but just to advise manila here that these things are being done, these things are not yet done and these things must be done.” ani Pangulong Rodrigo Duterte.
Kaalinsabay nito, inutusan din ng Punong Ehekutibo ang Department Of Health, Interior and Local Government at National Task Force Vs COVID-19 na tulungan si Secretary Cimatu sa panibago nitong obligasyon.
Nangako naman ang kalihim na gagawin ang buo niyang makakaya para matugunan ang bagong responsibilidad na iniatang sa kaniya ng Pangulo.
Sa huli, sinabi ng pangulo na tila naging kampante ang mga taga- Cebu sa banta ng COVID-19.
“Yung mga taga-Cebu ganun din. Bakit marami? Because you were too confident and too complacent about it, parang binalewala ninyo kaya dumating”. ani Pangulong Rodrigo Duterte.
Batay sa pinakahuling ulat ng Department Of Health, ang Cebu City ang pinakamaraming COVID-19 cases sa lahat ng lungsod sa bansa.
( Rosalie Coz | UNTV News )
Hindi na muna pinalalabas ng kanilang hotel sa Cebu ang 26 na Korean national.
Martes ng gabi dumating ang mga ito sa Pilipinas galing sa Daegu City, North Gyeongsang kung saan naitala ang pinakamaraming kaso ng COVID-19 sa South Korea.
Ayon sa Department Of Health (DOH) Region 7 sa ngayon walang nakikitang sintomas ng COVID-19 sa mga ito pero mananatili pa rin silang naka self-quarantine.
Hinahanap na ngayon ng mga otoridad ang mga nakasalamuha ng mga ito sa eroplano at maging sa mismong hotel kung saan sila tumutuloy.
(Gladys Toabi | UNTV News)
Tags: Cebu, South Korea
