Nilagdaan ni Pangulong Rodrigo Duterte ang Proclamation No. 56 na nagdedeklara na regular holiday sa buong bansa ang September 12, ang araw ng Lunes.
Sa September 12 itinakda ng National Commission on Muslim Filipinos ang pagdaraos ng Eid’l Adha o ang Feast of Sacrifice na isa sa dalawang pinakamalaking pista ng Islam.
Tags: Malakanyang, regular holiday, Sept.12
METRO MANILA – Pirma na lamang ni Pangulong Rodrigo Duterte ang kulang bago maging isang ganap na batas ang kontrobersiyal na Anti-Terrorism Bill.
Ito’y matapos i-anunsyo ni Presidential Spokesperson Secretary Harry Roque na natanggap na nila ang kopya ng panukalang batas.
Ilang oras matapos kumpirmahin ni Senate President Vicente Sotto III na nalagdaan na nila ni House Speaker Alan Peter Cayetano ang Anti-Terrorism Bill at naipasa na ang opisyal na kopya kahapon ng umaga.
Sa kabila ito ng pagbawi ng ilang kongresista sa kanilang naunang boto na pagpabor sa panukalang batas sa gitna ng kritisismo mula sa iba’t ibang sektor sa bansa.
Nauna nang iginiit ni Senator Panfilo Lacson na siyang sponsor at isa rin sa may akda ng Senate Bill 1083 o ang bersyon Ng Anti-Terrorism Bill sa Senado na hindi pupwedeng bawiin ng mga mambabatas ang kanilang boto sa Kongreso.
Tiniyak naman ng Malacanang na pag-aaralang mabuti ni Pangulong Duterte ang mga probisyon ng panukalang batas bago lagdaan kahit na sinertipikahan ito bilang urgent bill.
Kumpiyansa naman si Sotto na hindi ito ivi-veto ng Punong Ehekutibo.
Samantala, ayon naman kay senator risa hontiveros, ilang grupo na ang nagpaplanong kwestiyunin ang anti-terrorism bill sa korte suprema sakaling maging ganap itong batas.
Isa si Hontiveros sa dalawang senador na bumoto ng hindi pabor sa anti-terrorism bill sa deliberasyon nito noon sa senado.
Mayroong tatlumpung araw si pangulong duterte upang magdesisyon kung lalagdaan na maging batas ang Anti-Terrorism Bill; ibi-veto o ibabasura; o hindi na aaksyunan at hahayaan na lamang itong maging isang batas.
(Harlene Delgado | UNTV News)
Tags: Anti Terrorissm Bill, Malakanyang
Manila, Philippines – Inakusahan ni House Appropriations Committee Chair Congressman Rolando Andaya si Budget Secretary Benjamin Diokno ng “bribery”.
Pahayag ni Andaya, sinubukan umano ni Diokno na alukin sila ng P40 billion kapalit ng kanilang katahimikan ukol sa isyu ng kahina-hinalang P70 billon insertions sa 2019 Proposed National Budget.
Mariin namang itinanggi ng huli ang akusasyon. Pahayag ni Diokno walang basehan ang paratang sa kanya ng Mambabatas.
Samantala, sinuportahan naman ng Malacañang ang panig ng Kalihim. Ayon kay Cabinet Secretary Karlo Nograles, bagama’t itinuturing nilang seryoso ang alegasyon ni Andaya at nararapat ring sagutin ito ng nasasangkot point by point nananatili pa rin ang tiwala ng Pangulo kay Budget Secretary Diokno.
Nanindigan din ang Malacañang na walang panunuhol na nagaganap sa mga miyembro ng gabinete ni Pangulong Duterte.
“We in the Cabinet certainly and in the administration of President Duterte, we do not resort to things like bribing so mabigat ‘yung mga akusasyon. I hope it can be addressed immediately.” ani Nograles.
Bukod pa rito, tiniyak din ng Malacañang na ang aaprubahang pambansang pondo ng Pangulo ay pork barrel-free matapos ang panawagan ni Senator Panfilo Lacson sa Punong Ehekutibo na gamitin nito ang Line-item Veto Power dulot ng Pork Insertions ng mga Mambabatas.
“Everything is legal here, because obviously the last thing we would want anyone to do is to question it before the Supreme Court and we want this budget clean and we want this budget implemented” dagdag pa ni Nograles.
(Rosalie Coz | UNTV News)
Tags: benjamin diokno, Malakanyang, miyembro ng gabinete, Pang. Rodrigo Duterte
Nabahala si Pangulong Rodrigo Duterte sa isinusulong na no-election scenario ni dating House Speaker Pantaleon Alvarez.
Ayon kay Presidential Spokesperson Harry Roque, ito rin marahil ang dahilan kung bakit isinulong ng mga mambabatas na mapalitan ito sa pwesto.
Hindi naman sinagot ng palasyo ang umano’y bantang pagwo-walk out ng Pangulo noong Lunes kundi naayos ang problema sa house leadership bago magsimula ang kanyang State of the Nation Address (SONA).
Ayon naman kay Oriental Mindoro Congressman Reynaldo Umali, posibleng malaki talaga ang naging epekto ng alitan nina Mayor Sara Duterte at Alvarez sa pagkakaalis nito sa pwesto.
Sa kabila naman ng pagtuligsa sa pagkakahalal kay Pampanga Rep. Gloria Arroyo bilang bagong house speaker, tiniyak ng Malakanyang na buo ang suporta at tiwala nila dito.
( Rosalie Coz / UNTV Correspondent )
Tags: House Speaker Alvarez, Malakanyang, SONA
