Sen. Escudero pormal ng tinanggap ang alok ni Sen. Poe na maging bise presidente sa 2016 election

by Radyo La Verdad | September 17, 2015 (Thursday) | 1308

Buong tapang na tinanggap ni Senador Chiz Escudero ang hamon na maging running mate ni Senador Grace Poe para sa 2016 election

Ayon kay Sen. Escudero, naniniwala siya sa mga katangian at kakayahan ni senator poe na tulad ng kanyang ama na si FPJ.

Hindi rin anya sukatan ang apelyido sa pagkandidato sa mataas na posisyon.

Kapag nahalal umano silang dalawa ay isusulong nila ang public service sa pamamagitan ng pagalis ng mga hindi epektibong tao sa gobyerno.

Kanina nakita ang paglabas ng Partido Pilipinas na sinasabing magiging koalisyon ng dalawang senador na nananatiling independent.

Mismong si Senador Poe ang nag-introduce kanina kay Escudero sa harap ng kanilang pamilya, supporters at kapartido.

Pinagsamang asul at pula ang tarpulin sa stage ng kalayaan hall Club Filipino na may nakasaad na Grace-Chiz 2016.

Kumportable ang senadora na maging running mate si Escudero.(Bryan De Paz/UNTV Correspondent)