Nirerespeto ng kampo ni Senador Grace Poe ang panibagong disqualification case na inihain ngayong araw ni dating Senador Kit Tatad.

Ayon kay Atty.George Erwin Garcia ,isa sa mga abugado ni Poe, kumpleto na ang lahat ng requirements na hinihingi upang makatakbo sa pinakamataas na posisyon ang kanyang kilyente .

Sinabi naman ni Senator Chiz Escudero hindi na siya magugulat kung isa sa mga kalaban sa 2016 national elections ang nasa likod ng pinakabagong disqualification case laban sa kanyang ka-tandem.

Sa kabila nito naniniwala si Escudero na malalampasan ni Poe ang mga kasong ito.

Maliban kay Tatad, nauna ng naghain sa COMELEC ng disqualifcation case si Atty.Estrella Elamparo.

Bukod pa ito sa pagkuwestiyon sa residency at citizenship ni Senator Poe sa senate electoral tribunal ni Rizalito David.(Bryan De Paz/UNTV Correspondent)

Tags: Sen. Escudero, Senador Grace Poe