Kailangang magkaroon ng special audit sa mga pondo na ginamit para sa relief, recovery at rehabilitation efforts sa mga kumunidad na apektado ng typhoon yolanda.
Ito ang panawagan ni Senador Francis Escudero.
Sinabi ni Escudero na ang pamahalaan ay nakapaglabas ng 89 billion sa 167.8 billion na kailangan sa comprehensive rehabilitation and recovery plan na inihanda ng Office of the Presidential Assistant for Rehabilitation and Recovery o OPAAR, ngunit wala man lang nakikitang resulta ng proyekto
Sa isa namang ulat mula sa Social Watch Philippines inihayag ng grupo na 25% pa lamang ng kinakailangan pondo para sa mga livelihood project para sa yolanda victims ang nairerelease ng DBM.
Base sa SWP Study, October 2014 nang i-release ang mahigit sa isang bilyong piso para sa livehood projects sa Department of Agriculture ngunit hindi na ito nasundan.
Ayon pa kay SWP Convenor Prof. Leonor Magtolis Briones sa kabila ng matinding pinasala sa agrikultura, umabot lamang sa 27% ang nairelease sa allocated budget para sa Philippine Coconut Authority samantalang 29% naman sa DA.
Aniya ang disbursement report ng DBM noong July hanggang August 2015 ang kanilang batayan sa kanilang mga inihayag na ulat.
Dahil dito plano ni Senador Ferdinand Marcos Junior na maghain ng resolusyon upang ang senado ay magsagawa ng imbestigasyon kung ano na ba ang nangyari sa pondo para sa mga biktima ng yolanda at rehabilitation program.
Sa isang pahayag una nang sinabi ni Budget Secretary Florencio Abad sinisikap ng DBM na maipakita ang transparency sa pagrerelease ng pondo sa mga programa ng pamalahaan sa lahat ng pagkakataon.(Bryan de Paz/UNTV News)
Tags: Budget Secretary Florencio Abad, Senador Ferdinand Marcos Junior, Senador Francis Escudero, Social Watch Philippines, SWP Convenor Prof. Leonor Magtolis Briones
Tanggap ni Senador Ferdinand Marcos Junior, Chairman ng Committee on Local Government na malabo nang makalusot sa administrasyon ni Pangulong Benigno Aquino III ang Proposed Bangsamoro Basic Law.
Ito ay dahil marami pang constitutional issues na itinatanong si Senate Minority Leader Juan Ponce Enrile sa Proposed BBL na nasa sa second reading pa lamang ng Senado.
Ayon kay Marcos, bukod sa kapos na sa panahon ang kongreso, ang ibang mambabatas na kakandidato sa 2016 elections ay magiging abala na sa pangangampanya.
Ayon kay senador marcos ibinigay niya ang lahat ng kanyang makakaya sa substitute bill para maging maganda ito at hindi rin siya nanghihinayang dahil para ito katahimikan sa mindanao.
Ayon naman kay Presidential Communications Operations Office Secretary Sonny Coloma, may maayos na koordinasyon sila sa kongreso upang mapag-usapan ang mga isyu sa Proposed BBL.
Inabisuhan rin sila ng congress leaders na sisikaping maipasa ang BBL sa pagbabalik ng sesyon ng kongreso sa Enero 2016.
Umaasa naman si Peace Process Secretary Teresita Deles na tutugon ang kongreso sa hamon at sasamantalahin ang makasaysayang hamon para sa kapakinabangan ng susunod na henerasyon.
Sa kabila nito nilinaw naman ni Senador Marcos na hindi dapat itigil ang peace process sa bansa lalo na ng susunod na administrasyon at pagpapatuloy ng solusyon sa karahasan sa Mindanao.
(Bryan de Paz/UNTV News)
Tags: Peace Process Secretary Teresita Deles, Proposed Bangsamoro Basic Law, Senador Ferdinand Marcos Junior
“Kaya hindi pa namin masabi na final na ang ganitong usapan dahil marami pang hindi naman sa marami pero mayroon pang mga isyu na kailangan pang i-decide.”
Ito ang sinabi ni Senador Ferdinand Marcos Junior kaugnay ng kanyang pakikipagtambal kay Sen. Miriam Defensor Santiago para sa 2016 elections.
Ayon sa vice presidential aspirant, kabilang sa mga kailangan nilang pagusapan ay ang sistema sa kanilang gagawing pangangampanya at kung sino-sino ang nasa senatorial line up.
Sa ngayon isa-isa ng kinaki-usap nila Santiago at Marcos ang posibleng mapabilang sa kanilang senatorial slate.
Una ng sinabi ni Senador Santiago na dahil sa kapos sila sa budget at sa posibleng paagkakasabaysabay ng kanilang mga commitment ay di maaalis na magkakanya-kanya silang kampanya ni Marcos.
Kagabi ay kabilang si Marcos sa mga panauhin ng vice mayors’ league annual national convention gayundin si Vice Presidential Candidate Alan Peter Cayetano at Martin Romualdez na tatakbong senador sa 2016 elections.
Sinabi naman ni Romuladez na isang magandang karagdagan sa labanan sa pagkapangulo at pangalawang pangulo ang tambalang Santiago-Marcos.
Oras na maisapinal ang usapan sa koalisyon nina Santiago at Marcos ay kanila itong i-aanunsyo sa publiko
Bagamat magkakatunggali sa pulitika sa 2016 elections , sinabi ni Cayetano na sinusuportahan niya ang mga programa ni Marcos ukol sa local government. (Bryan De Paz/UNTV Correspondent)
Tags: Sen. Miriam Defensor-Santiago, Senador Ferdinand Marcos Junior
Ipinapasama sa mga dapat makasuhan sa Sandiganbayan kaugnay ng pork barrel scam si Budget Secretary Florencio Abad.
Sa motion to implead na inihain ni Atty.Bonifacio Alentajan sa Sandiganbayan 3rd Division, hinihiling nitong kasuhan din ang kalihim ng plunder dahil sa umano’y partisipasyon sa pork barrel scam.
Paliwanag ni Atty.Alentajan, dapat maging principal accused si Abad sa PDAF scam dahil hindi mailalabas ang pondo ng mga kongresista sa pamamagitan ng Special Allotment Release Order o SARO at notice of allocation kung wala ang kanyang approval.
Sa ngayon puro subordinates lang ni Abad mula sa Department of Budget and Management ang nadawit sa kaso sa Sandiganbayan.
handa naman harapin ni Sec. Abad ang alegasyong ito.
Una nang naghain ng reklamo si Atty. Bonifacio Alentajan sa Ombudsman laban kay Sec. Butch Abad ngunit hindi ito kinatigan ng Anti-Graft Agency.
Kasalukuyang siyang abogado ni Antonio Ortiz ng Technology Resource Center, isang co-accused ng mga mambabatas sa pork barrel scam. ( Joyce Balancio /UNTV News)
Tags: Atty.Bonifacio Alentajan, Budget Secretary Florencio Abad
