METRO MANILA –Maaaring gawing mag-isa ang nasopharyngeal o oropharyngeal swab collection sa pamamagitan ng self-administered COVID-19 test kits.
“Kapag po nasal, galing lamang po ito sa harapan o kaya hanggang gitnang bahagi ng ilong na maaaring kunin sa sarili o kung sa may kapansanan o sa mga bata ay maaaring kunin ng isang nakakatanda,” ayon kay Research Institute for Tropical Medicine (RITM) Laboratory Chief Armando Tandoc III.
May iba ring test kits na laway ang kinakailangan. Dagdag pa ng opisyal, mayroong mga panutong nakalagay sa mismong kits kung paano isasagawa ang tests.
Una ng sinabi ng Department of Health (DOH) na maglalabas sila ng guidelines hinggil sa tamang paggamit ng self-administered o home test kits.
Aprubado na ng Food and Drug Administration (FDA) ang 2 test kits, ang isa ay ang “Panbio Covid-19 Antigen Self-Test” ng Abbott na mayroong boxes na naglalaman ng 1, 4, 10, at 20 tests at ang isa naman ay “SARS-CoV-2 Antigen Rapid Test” ng Labnovation na mayroon namang boxes na naglalaman ng 2, 5, at 20 tests.
Dagdag pa ni Tandoc na dapat ay basahin at sunding maigi ang mga panuto na kasama ng tests dahil maaaring makaapekto ito sa accuracy ng test kung hindi masunod ng maayos ng magsasagawa ng self-tests.
(Ritz Barredo | La Verdad Correspondent)
Tags: COVID-19 TEST KITS
METRO MANILA – Hindi for commercial use ang mga rapid antibody test kits para sa COVID-19.
Ito ang nilinaw ni Department Of Health (DOH) Spokesperson Undersecretary Maria Rosario Vergeire .
Aniya, maaari lamang itong gamitin sa mga testing center na may patubay ng mga doktor.
Noong Marso nilinaw din ng Food and Drug Administration (FDA) na “strictly for medical professionals” ang test kits at hindi pwedeng gamitin pang personal.
Ngayong buwan ng Hulyo, nasa 204 na ang aprubadong test kits ng FDA77 rito ang rapid antibody test kits
Bagaman walang naitalang death case noong Huwebes (July 9), nakapagtala naman ang pinakamaraming nasawi noong Biyernes (July 10) kung saan umabot ito ng 42.
64% o 24 sa mga nasawi ay naitala ngayong July nguni’t 12 sa mga ito ay mula pa sa buwan ng June .
Ayon kay Dr Beverly Ho ng OIC- Director for health promotion and communication service ng doh, karamihan ng mga nasawi ay mula sa central visayas
Ayon pa kay Dr. Ho, bagaman mataaas ang death cases noong Biyernes, mas mataas pa rin ang bilang ng mga nasawi noong Marso
(Aiko Miguel | UNTV News)
